Mesozoikum: Béda antara owahan

Mesozoikum kadadosan kirang langkung 180 yuta warsa dangunipun, antawisipun 251 ngantos 65 yuta warsa kepengker. Jaman mesozoikum dipunpérang dados tigang era, inggih menika ''Trias, Jura, lan Kapur''.<ref name="internet3"/>

Zaman Trias lumampah wiwit 245 ngantos 208 yuta warsa kepengker. Nama Trias dipunusulaken déning F. Von Albertu, salah satunggaling ahli [[geologi]] saking [[Jerman]]. Nama Trias menika dipunpundhut saking parkembangan [[endapan]] Mesozoikum ingkang wonten ing cekungan Jerman, ingkang salajengipun dipunanggep minangka laladan tipe kanggé ''Sistem Trias'''. Sanadyan wonten katrangan ingkang jangkep lan kathah ingkang ngandhut fosil malah dipuntemokaken ing [[Amerika ]] bagéyan kilèn, Amerika bagéyan wétan, lan[[Kanada]]. Sistem Trias menika kapérang dados tigang bagéyan, inggih menika ''Trias ngandhap, Trias tengah, lan Trias inggil''.<ref name="internet3"/>

Ing Indonesia bagéyan wétan ing jaman Trias kadadosan prastawa genang [[segara]] ing bagéyan ngandhap ingkang padatanipun kawangun saking watu klastik ing wonten butiran kasar. antawisipun inggih menika [[breksi]], [[konglomerat]], watu [[pasir]], [[serpih]], [[napai]], lan [[gamping]]. Saking prekawis ingkang sami ''Fasies'' watu Trias ing pulo-pulo Indonesia wétan menika saged dipunpundhut dudutan bilih pulo-pulo kasebat sabotenipun kalebet ing setunggal lingkungan sedimentai ingkang ngalami pamudhunan utawi dipunwastani dhaérah ''pelamparan Geosiklin Banda''. Geosiklin Banda menika manjang tumuju arah ''barat daya'' ingkag salajengipun nyambung kaliyan ''Geosiklin Westralia'', déné ingkang tumuju arah kilèn nyambung kaliyan ''Geosinklin Danau''.<ref name="internet3"/>

Zaman Jura lumampah wiwit 208 ngantos 145 yuta warsa kepengker. Nama Jura sepisanan dipunangem ing taun [[1799]] dening A. von. Humboldt, salah satunggaling ahli geologi saking Jerman. Panalitiyan kanthi ''intensif'' nalika menika dipuntindakaken ing [[Inggris]]. Nama sistem menika dipunpundhut saking nama [[Pegunungan Yura]] ingkang mbentang saking [[Perancis]] ngantos [[Swiss]]. Panggenan menika ingkang salajengipun dipunginakaken minangka dhaerah tipe kangge sistem Jura.<ref name="internet3"/>