Kèju édham: Béda antara owahan
Kaca énggal: {{inuseuntil|24 Maret 2014}} thumb|260px|Kèju Edam '''Edam''' (Basa Belanda ''Edammer'') inggih menika kèju ingkang asalipun saking ... |
(Ora ana béda)
|
Révisi kala 24 Maret 2013 09.06
Artikel iki lagi ingowahan gedhèn-gedhèn 24 Maret 2014 suwéné. Saperlu ngéndhani cengkah ing pambesut, panjenengan aja mbesut kaca iki nalika layang iki isih kapajang. Kaca iki pungkasan ingowahan nalika 09:06, 24 Maret 2013 (UTC) (11 taun kapungkur). Panjenengan katuran mbusek cithakan iki yèn kaca iki wis ora kabesut ing dalem sawatara jam. Manawa panjenengan juru pambesut kang ngetrapaké cithakan iki, pesthèkaké panjenengan mbusek cithakan iki utawa nggantèni nganggo {{Lagi kagarap}} antarané mangsa anggoné panjenengan mbesut. |
Edam (Basa Belanda Edammer) inggih menika kèju ingkang asalipun saking Belanda ingkang kanthi tradisional awujud bunder lan mawi werna kuning terang ugi dipunwungkus mawi parafin lan malam kanthi werna abang.[1]. Kèju menika dipunparingi nama kados mekaten amargi kapisan dipundamel ing Edam, Holland Lor[1] Edam ingkang umuripun paling boten 17 minggu dipunwungkus déning malam kanthi werna ireng, sanès abang utawi kuning.[1] Kèju Edam gadhah raos ingkang lembut, radi asin utawi raosipun kados kacang. Kèju menika ugi boten mambu tinimbang kèju sanèsipun. [1] Kèju Edam menika ugi kandhutan lemak langkung andhap tinimbang kèju tradisional sanèsipun 28 % kanthi kandhutan protein 25 %.[1] Kèju Edam ingkang modèrn langkung lembut tinimbang kèju sanèsipun kados Kèju Cheddar amargi kandhutan lemakipun ingkang langkung andhap.[1]
Asal mula
Kèju Edam dipunparingi nama saking satunggaling kutha pelabuhan alit wonten ing Ijsselmeer, sisih lor Amsterdam.[2] [3] Saderengipun keju menika namung dipunproduksi ing bageyan lor propinsi Holland.[3] Ananging samenika kèju Edam sampun dipunproduksi boten naming ing negeri Belanda, ananging ugi wonten ing Jerman lan negara-negara Eropa tengah ugi Eropa lor sanèsipun.[3] Kèju Edam saking Jerman dipundamel kanthi tumut kèju Edam saking Belanda.[3]
Sajarah
Sajarah kèju Edam boten saged kapisahaken mawi sajarah kutha Edam papan ingkang kapisan kèju menika dipunproduksi.[4] Nalika abad kaping 12, kathah petani ingkang manggèn wonten ing kutha kasebut lan miwiti damel kèju.[4] Lajeng kèju-kèju menika dipunkirim marang kathah negara mawi ngginakaken kapal.[4] Kala menika, kutha Edam gadhah 33 galangan kapal.[4] Pérangan menika dados salah satunggal faktor ingkang damel kèju saged dipuntepangi ing kathah negara.[4] Kutha Edam pikantuk hak kanggé ngoperasiaken pasar bebas ing taun 1520 déning panguwaos Hapsburg, Charles V.[5] 50 taun salajengipun, Pangeran William saking Orange paring hak awit "Griya Penimbangan Kèju".[5] Griya penimbangan keju ingkang wonten dumugi samenika dipundamel ing taun 1778 lan pasar keju tansah mlampah dumugi taun 1922.[5] Wontenipun pabrik-pabrik ingkang damel kèju menika dados tandha bubaripun pasar kèju peternakan.[5]
Wujud lan tèkstur
Kèju Edam menika wujudipun bunder kanthi diamèter 5 inci lan bobotipun kirang langkung 3 pon.[3] Kèju menika mawi werna kuning emas lan wonten bolongan-bolongan alit ugi tèksturipun padet. [3] Lapisan parafin nutupi keju menika supados boten garing.[3] Lapisan parafin kanthi werna abang kaping setunggal dipunginakaken ing abad kaping 14.[2] Kèju Edam mawi lapisan parafin abang kalebet kèju ingkang dipunekspor dhateng njawi Belanda.[6] Déné kèju Edam kanggé konsumsi domestik gadhah kulit alami ingkag tipis lan mawi werna kuning.[6] Menika amargi kèju kanggé ekspor mbetahaken penjagaan langkung amargi lelampahan ingkang tebih.[7] >
Pirsani ugi
Cathetan suku
- ↑ a b c d e f Official Edam Town website Tourist information.
- ↑ a b Masalah transklusi: {{En}} mung bisa kaanggo ing mandhala aran Barkas. Anggonen {{lang-en}} utawa {{en icon}} baé. Harbutt, Juliet (2006). The World Encyclopedia of Cheese. Anness Publishing Ltd. ISBN 978-1-84309-960-4. Page 107.
- ↑ a b c d e f g Masalah transklusi: {{En}} mung bisa kaanggo ing mandhala aran Barkas. Anggonen {{lang-en}} utawa {{en icon}} baé. Dumont's Lexicon of Cheese. Rebo International b.v., Lisse, The Netherlands. 2004. ISBN 978-90-366-1689-8. Page 98-99.
- ↑ a b c d e Masalah transklusi: {{En}} mung bisa kaanggo ing mandhala aran Barkas. Anggonen {{lang-en}} utawa {{en icon}} baé. Edam Cheese Recipe, Cheese Making Recipe.
- ↑ a b c d Masalah transklusi: {{En}} mung bisa kaanggo ing mandhala aran Barkas. Anggonen {{lang-en}} utawa {{en icon}} baé. Edam, Kaasmarkt Edam.
- ↑ a b Masalah transklusi: {{En}} mung bisa kaanggo ing mandhala aran Barkas. Anggonen {{lang-en}} utawa {{en icon}} baé. Edam, Gourmet Food.
- ↑ Masalah transklusi: {{En}} mung bisa kaanggo ing mandhala aran Barkas. Anggonen {{lang-en}} utawa {{en icon}} baé. The History of Edam Cheese, Edam.com.
Pranala njawi
| Wikimedia Commons duwé médhia ngenani Edam cheese. |