Sajarah Prancis: Béda antara owahan

[[Kabudayan]] Chasséen asalipun saking satunggaling situs purbakala, Chassey, ingkang dumunung ing wewengkon Saône-et-Loire, sanajan kabudayan menika aslinipun saking wewengkon kidul (Midi). Ing salebeting kabudayan menika unsur-unsur pengaruh laut Tengah katingal punjul. Kanthi wekdal ingkang boten dangu, kabudayan menika sampun sumebar ing sapérangan wewengkon Prancis, kejawi ing wewengkon-wewengkon wétan. Ciri utami saking kabudayan Chasséen inggih menika punjulipun pangrembakan pendhudhuk sarta kagiyatan pertanian. Papan panggenan, sangsaya kathah awit dipunadegaken dusun-dusun ageng kadosta Saint-Michel-du-Touch lan Villeneuve-Tolosane ing lembah Kali Garonne, ingkang ambanipun 20 lan 15 hektar. Ing sapérangan wewengkon dipunbikak lahan-lahan pertanian enggal kanthi ciri kas kanthi bentuk perkampungan mawa bèntèng ing kawasan Wetan-Tengah, inggih menika kabudayan tiyang Matignons (Charente) lan Peu-Richardn(Charente-Maritime), ingkang bènten kaliyan budayan Chasséen. Ing wewengkon-wewengkon pinggiring danau ugi wonten dusun-dusun, tuladhanipun Charavines ing pinggiring Danau paladru (Isère).