== Jaman Néolitik Pungkasan lan Mula Bukanipun Metalurgi ==
Ing antawisipun warsa 2500-2000 SM inggih menika mangsa pangrembakan peradapan-peradapan Neolitik ingkang tinandha kanthi mindhakipun intènsitas palenggahan lahan. Kabudayan Fontbouisse, ing wewengkon pedalaman Montpellier inggih menika tuladha sae kanthi cacah perkampungan ingkang kathah (20-25 perkampungan saben 100 km²) kaperang dados bidang-bidang laham pinisah ingkang tumata nglompokaken para pendhuhuk dataran rendah lan pendhuhukpendhudhuk dataran tinggi, para peternak lan petani, perkampungan Fontbouisse lan Cambous (Hérault) ingkang nggadahi gubuk-gubuk kanthi bentuk bunder sarta bangunan-bangunan ageng saking watu lonjong ingkang minangka kandhang ménda gibas. Gejala pangrembakan ingkang sami katingal ing wewengkon aliran Lèpèn Seine (Bassin Parisien), inggih menika lembah Lèpèn Seine, Oise lan Marne. Ananging babagan ingkang paling katingal ing mangsa menika inggih ngginakaken logam (emas lan tembaga). Metalurgi sampun tinepang ing dunya Wetan wiwit warsa 6000 SM, lajeng dumugi Kilèn. Papan panggenan ingkang pisanan ngginakaken wiji tembaga inggih menika wewengkon Cévennes lan wewengkon Massif Central sisih tenggara. Papan panggenan menika ugi dipunpanggihi ciri kabudayan Fontbouisse ananging ingkang ngrembakaken metalurgi ing sakubenging [[Éropah]] ingih menika klompok ingkang asal-usulipun tasih dadosaken silang pamanggih ingkang winastan tiyang Companiformes. Asma menika saking gelas kanthi bentuk loncèng ingkang gegayutan kaliyan ekspansi klompok menika. Periode Néolitik menika ingkang nglarasaken anggenipun ngginakaken barang-barang tradisional saking watu kaliyan benda-benda logam ingkang nembé wonten ingkang ugi dipunwastani periode Chalcolitik.
