'''MesiasMésias''' (asalé saka [[basa Ibrani]] ''mashiah'') iku tegesé "sing diurapi".<ref name="Siahaan">S.M. Siahaan. 2001. ''Pengharapan Mesianis dalam Perjanjian Lama''. Jakarta: BPK Gunung Mulia.</ref> Jroning [[basa Yunani]], tembung mesias dijarwakaké kanthi tembung ''kristos'', lan saka kono ditepungi sebutan ''Kristus'' sing dadi salah sawijining sesebutan [[Yésus]].<ref name="Siahaan"/> Sebutan mesias oyoté saka pangertèn [[Yahudi]] ngenani sawijining tokoh ing mangsa ngarep sing bakal teka minangka wakil [[Allah]] kanggo nggawa keslametan kanggo umat Yahudi.<ref name="Ludji">Barnabas Ludji. ''Kerajaan Mesias''. Jakarta: UPI STT Jakarta.</ref> Konsèp mesianik iki ditepungi uga jroning agama-agama sing oyoté saka Abraham, yaiku kakristenan lan Islam. Jroning kakristenan, Yésus Kristus dianggep minangka mesias sing wis diantu-antu kanggo nggawa keslametan saka Allah marang manungsa.<ref name="Siahaan"/><ref name="Ludji"/> Éwadéné jroning Islam, konsèp mesianik ana jroning pamahaman Islam ngenani [[Isa]]/Yésus sing bakal teka ing [[dina penghakiman]] kanggo ngalahaké [[dajjal]].<ref name="Iskander">John Iskander. 2009. "Antichrist". In ''Encyclopedia of Islam''. Juan Campo (ed.).New York: Facts On File.</ref> Pamahaman iki ora ana ing njeroning [[Quran]], ananging sumberé saka [[Hadis]].<ref name="Iskander"/>
Tembung mésias ngrujuk marang wong sing diurapi Allah, selaras kabiyasan [[Israel kuna]] sing ndeleng tindakan pangurapan minangka tengering pamilihan lan panyucèn Allah.<ref name="Groenen">C. Groenen. 1980. ''Pengantar ke dalam Perjanjian Lama''. Yogyakarta: Kanisius.80-82.</ref> Wong sing diurapi dianggep minangka duwèkané Allah lan éntuk jejibahan kusus.<ref name="Groenen"/> Tokoh-tokoh sing dilantik kanthi pangurapan biyasané [[raja]] lan [[imam]], utawa uga tokoh sing dipilih déning Gusti dhéwé.<ref name="Groenen"/> Jroning [[Alkitab Ibrani]] utawa [[Prajanjèn Lawas]], istilah kasebut diwènèhaké marang Raja saka wong-wong Yahudi sing diurapi nalika prastawa pelantikan dhèwèké (bdk. {{Ayat|1 Samuel|10|1}}, {{Ayat|Mazmur|2|2}}).<ref name="Ehrman">{{en}}Bart D. Ehrman. 2004. ''The New Testament: A Historical Introduction to the Early Christian Writings''. New York, Oxford: Oxford University Press.</ref>
