Bathara Bayu: Béda antara owahan
Konten dihapus Konten ditambahkan
Tanpa ringkesan besutan |
Tanpa ringkesan besutan |
||
Larik 1:
Bathara Bayu
Dewaning angin iki klebu golonganing warga Bayu. Kang klebu warga Bayu kabeh ana wolu, yakuwi Bathara Bayu, Anoman/Senggana, Werkudara (Bima). Wil Jajahwreka (bayuning buta), Liman Setubandha (bayune Gajah), Sarpa Naga Kuwara (bayune naga/ula), Mahambira (bayune Garudha), lan Begawan Maenaka (bayune Gunung).
Bathara Bayu, Werkudara lan anoman duwe kuku (Pancanaka) lan kabeh ngagem kampuh poleng bang bintulaji minangka tandha bisa mangreh lakuning angin.
Werkudara ing tata laire putrane Prabu Pandhu Dewanata, ratu Astina, salugune putrane Bathara bayu, mulane sinebut Bayusuta. Bathara Bayu nganthi peputra Werkudara amarga katarik mantram panggendaming dewa aran Adityahredaya (yen ing pedhalangan aran Puntawekasing Rasa Tunggal Sabda Tanpa lawanan) kang winateg Dewi Kunti kanthi mangesti dewa kang sarirane gedhe dhuwur.
Pandhita Durna (Drona) iki iya isih trah Bathara Bayu. Sarasilahe : Bathara Bayu peputra Bathara Sumarma, Bathara Sumarma peputra Bathara Tantra, Bathara Tantra peputra Bathara Guritna, Bathara Guritna peputra Bathara Sumbawa, Bathara Sumbawa peputra Resi Mintasaba, Resi Mintasaba peputra Resi Kuntabasuki ing Atasangin. Resi kasebut banjur peputra Resi (Prabu) Baratwaja sing banjur nurunake Bambang Kumbayana iya Pandhita Durna.
Bathara Bayu tau tumurun ing marcapada jumeneng ratu ing negara Medhanggora, jejuluk Prabu Bhima. Patihe asma Suksena.
Bathara Bayu wujude gagah gedhe dhuwur, kekuwatane linuwih. Watake kendhel, prasaja lan meneng. Yen pinuju pisowanan lenggahe ing mburi dhewe, nutup simpingan sisih kiwa, lan tangane malangkerik. Jumbuh karo wujue, yen ngendhika swarane gedhe glereng-glereng, laras nem ageng kedhal sereng lan anteb.
Pungkasane crita wayang sing digelar sewengi natas, miturut pakem padhalangan dipungkasi nganggo Bathara Bayu, kang diarani "tayungan".
Wayang mau dijogetakke minangka tandha menang perang.. Sadhurunge tayungan, luwih dhisik perang brubuh, mawa gendhing sampak. Ratu kang kasebut ing jejer sabrangan sawadyabalane teka ing negara kasebut ing jejer kawitan, yen ora tumuju ing Amarta iya Dwarawati nedya ngrebut kabegjan. Satemah dadi perang amuk-amukan . Wusanane ratu sabrang sawadyabalane sirna, tumpes tapis. Menawa ratune iku malihane satriya, dewa, putri, raseksa uatea yitmane Dasamuka, banjur badhar salin wujud kang sejatine.
Kang mungkasi perang brubuh yen ing jamane Pandhawa mesthi Werkudara. Yen jamana crita Ramyana iya mesthi Anoman, dene yen crita para dewa iya Bathara Bayu. Anoman lan Werkudara sinebut Bayusuta iya Bayusiwi, kang tegese anak angin, karepe angin cilik, yakuwi napas utaea ambegan. Tandange Anoman lan Werkudara ing perang brubuh nggambarake napas kang ngukut sakabehe pancadriya nalikane manungsa sakaratul maut. Kumpule para ratu utawa satriya kang dadi balungane lelakon, ngendhikakake maremeing panggalih dene wis bisa mbrasta reretu, satemah kahanan bali tentrem, amarga wis kalis saka sawernane rubedha.
Sawise tayungan lan kumpuling kadhang, banjur tancep kayon, yaiku gunungan wayang ditancepake ing satengahing kelir, sing ateges pagelaran wayang wis rampung. gegambaraning urip, wong kuwi wis mati. Kayon ngono gegambaraning kayon, saka tembung kayun, tegese urip Sawise rampuingan kabeh wayang dilebokake ing kotak. Kaya manungsa yen wis mati uga mlebu kubur. Angger angine (Bathara Bayu,Werkudara, Anoman)wis lunga, tegese manungsa bali ing ngrasane Sang Hyang Widhi Wasa.
{{Stub}}
|