Doctor Who: Béda antara owahan

Konten dihapus Konten ditambahkan
Larik 45:
=== Épisode sing ilang ===
Antara taun 1964 lan 1973, sabagéan gedhé rekaman BBC awujud kasèt vidéo utawa film padha dibusak, diguwang utawa dilirwakaké nganti rusak lan kwalitasé dadi ala. Kalebu bagéan iki yaiku akèh épisode lawas ''Doctor Who'', utamané sing dibintangi déning 'Sang Doktor' loro kapisan: William Hartnell lan Patrick Troughton. Gunggungé, 97 saka 253 épisode sing diproduksi ing enem taun awal acara ''Doctor Who'' saiki ora kasimpen ing arsip BBC. Cacahé épisode sing ilang iki awalé luwih akèh, nanging para sutresna acara iki padha nemokaké bali épisode-épisode sing ilang.
 
Ora ana épisode saka dasawarsa 1960-an sing isih ana ing rekaman vidéo, nanging sawetara rekaman vidéo ana sing wis dikonvèrsi dadi film sadurungé ditayangaké lan nganti saiki isih èksis ing wujud rekaman tayangan.
 
Sawetara épisode wis dibalèkaké marang BBC saka arsip-arsip negara liya sing naté tuku kopi rekaman kanggo ditayangaké, utawa saka para kolèksi pribadi kolèktor sing tau olèh rekaman iki déné werna-werna cara. Rekaman kasèt vidéo awarna awal uga ana lan uga fragmèn fil 8 mm sing difilm langsung saka kelir TV. Saliyané iku rekaman swara awujud kasèt èksis kanggo kabèh épisode. Rekaman iki dilakoni déning para sutresna ing ngomah. Klip vidéo cendhak saka kabèh crita uga ana, kajaba saka ‘’Marco Polo’’, "Mission to the Unknown" lan ‘’The Massacre of St Bartholomew’s Eve’’.
 
Saliyané iku, foto-foto saka akèh épisode uga ana. Foto-foto iki digawé déning fotograf John Cura. John Cura iku nggawé foto saka acara-acara TV ing dasawarsa 1950-an lan 1960-an, kalebu ‘’Doctor Who’’, nalika durung ana pangrekam vidéo ing jaman iku. John Cura diséwa déning para aktor. Foto-foto John Cura iki diarani ‘’tele-snap’’ lan dienggo kanggo ngrékonstruksi épisode-épisode sing ilang. BBC ora masalah menawa épisode-épisode iki digawé lan disebar, asal waé ora olèh didol lan cara panyebarané mawa vidéo VHS kwalitas asor.
 
 
Rékonstruksi ‘resmi’ uga dirilis déning BBC ing format VHS, ing CD-ROM MP3 lan minangka fitur kusus ing sawetara DVD. Saliyané iku nganti saiki BBC uga nggawé rékonstruksi awujud animasi kanggo limang crita: ‘’The Invasion’’ (épisode 1 lan 4), ‘’The Reign of Terror’’ (épisode 4 lan 5), ‘’The Ice Warriors’’ (épisode 2 lan 3), ‘’The Tenth Planet’’ (épisode 4) lan ‘’The Moonbase’’ (épisode 1 lan 3). ‘’The Invasion’’ dirilis ing DVD taun 2006, ‘”The Moonbase’’ miturut rencana bakal dirilis ing DVD ing taun 2014 lan liyané wis dirilis ing DVD nalika taun 2013.
 
Ing pungkasan taun 1991, rekaman saka patang épisode ‘’The Tomb of the Cybermen’’ dibalèkaké marang BBC saka stasiun TV Rediffusion ing Hong Kong.
 
Ing Desember 2011, épisode 3 ‘’Galaxy 4’’ lan épisode 2 ‘’The Underwater Menace’’ wis dibalèkaké marang BBC déning sawetara sutresna Doctor Who sing naté tuku rekaman film épisode iki ing pasar loak ing dasawarsa 1980-an tanpa sadar menawa BBC ora ndarbèni épisode-épisode iki.
 
Ing tanggal 10 Oktober 2013, BBC ngumumaké menawa 11 épisode wis ditemokaké ing sawijing stasiun TV Nigeria ing kutha [[Jos]]. Saka 11 épisode iki, 9 durung disimpen BBC, yaiku saka ‘’The Enemy of the World’’, épisode 1, 2, 4, 5, lan 6. Épisode 3 sadurungé isih disimpen BBC. Déné iku crita ‘’The Enemy of the World’’ saiki pepak manèh. Banjur saka crita ‘’The Web of Fear’’ ditemokaké épisode 2, 4, 5, lan 6. Épisode 3 saka ‘’The Web of Fear’’ isih ilang. Épisode 1 isih disimpen BBC.
 
== Réferènsi ==