Yaqowiyu: Béda antara owahan

Konten dihapus Konten ditambahkan
Senzo (parembugan | pasumbang)
Kaca énggal: '''Yaqowiyu''' iku sawijining pahargyan upacara adat Jawa arupa nyebar apem ing tlatah kecamatan Jatinom, kabupatèn Klathèn, Jawa Tengah....
 
Senzo (parembugan | pasumbang)
Tanpa ringkesan besutan
Larik 3:
==Sejarah==
 
Mula bukané upacara pahargyan iki ora liya merga Ki Ageng Gribig, yaiku ngulama sholèh lan mangaribawa kang sugeng ing [[abad]] XVI. Nalika semana Ki Ageng Gribig kondur munggah [[haji]] saka [[kutha]] [[Mekah]] kanthi ngasta olèh-olèh arupa [[apem]] kanggo putra wayah, merga mung sethithik mula ora kabèh bisa keduman. Sabanjuré Nyi Ageng Gribig gawé apem menèh sisandéné bisa diandum marang para warga Jatinom, nalika andum apem, Ki Ageng Gribig karo ngendika '''"Yaa qowiyyu"''', tegesé: ''Duh, Gusti ! Paringana kekiyatan''. Prastawa kasebut banjur dilanggengaké lan dipèngeti saben taun déning warga kanthi jeneng '''Yaqowiyu'''.
Ki Ageng Gribig nalika kondur saka [[Mekah]], ora mung ngasta apem, nanging uga ngasta ''lemah'' segenggem kang dipundhut saka ngara-ara [[Arofah]], nuli ditanem ing lapangan sabanjuré kawastanan ngara-ara ''Tarwiyah'', amarga lemah iku kapundhut Kyai Ageng Gribig saka Arofah nalika ngumpulaké banyu kanggo sangu wukuf ing tanggal 8 [[Besar|Dzulhijjah]]. Dina iku pancèn kawastanan ''Yaumul Tarwiyah''. Banjur [[tembung]] Yaqowiyu yaiku saka pengajian kang dianakaké Ki Ageng Gribig, nalika mungkasi mesthi ndedonga “Yaa qowiyyu. Yaa Aziz qowina wal muslimiin, Yaa qowiyyu warzuqna wal muslimiin”, kanggo nyuwunaké kekuwatan umat muslim.
 
==Pahargyan==
 
Pahargyan Yaqowiyu biasané dileksanakaké ing komplèk pasareyan Ki Ageng Gribig kang dadi siji karo [[masjid]] lan ngara-ara. Wektuné bakda [[shalat]] [[Jum'at]]. Kang mèlu ngregengaké ora mung warga, nanging uga para nayaka praja, pangembating praja saka [[kabupatèn Klathèn]].
 
Apem kang disebar nganti atusan èwu, boboté watara 5 [[ton]]. Apem-apem kasebut minangka sumbangsih saka para warga ing Jatinom. Sadurungé disebar maèwu-èwu apem iku digawé gunungan dhisik, kanthi tumpukan kang kudu urut medhun 4-2-4-4-3, angka iku mujudaké gunggungé rokaat sajroning sholat 5 wektu. Gunungan apem kang [[lanang]] dijenengi Kyai Kiyat, déné kang [[wadon]] Nyai Kiyat. Sadurungé disebar ing lapangan kang ana ing pinggir kali, sisih [[kidul]] komplèk masjid lan pasarèyan Ki Ageng Gribig, gunungan apem iku dileremaké sawengi ing masjid.
Gunungan banjur digawa menyang menara kang ana ing punjering lapangan, nuli disebaraké déning para santri kang padha nganggo [[sandhangan]] lan [[iket]] werna putih, apem-apem iku dinggo rebutan para warga. Miturut kapercayan, yèn olèh apem kasebut, gegayuhan kang dipéngénake bakal kajangka. Ana kang dipakakaké kéwan ingon-ingon, diceguraké ana ing blumbang, dipendhem anèng sawah, dipendhem ing jero omah, lan liya-liyané