Jaran képang

Jaran képang yaiku salah sawijining piranti kang dinggo para paraga tari Barongan, Èbèg, Jathilan lan Réyog.

Wujud

Diarani Jaran kepang amarga wujudé kaya jaran 2 dimènsi kang digawé saka képang utawa iratan pring tipis-tipis kang di anam kanthi rapet. Ing sisih pinggir képang kasebut diwènèhi wengku utawa blengker saka sigaran pring, ing pangajab supaya bisa kaku lan nam-naman képang ora udhar. Ing guluné jaran diwènèhi tali minangka kanggo nggantungaké jaran ing pundhak utawa gulu paraga tari. Jaran képang lumrahé warna putih, abang lan ireng. Wujud jaran képang uga nganggo rambut lan reroncèn liyané.

Pirsani uga

• Barongan
• Èbèg
• Jathilan
• Réyog