Nurwègen: Béda antara owahan

'''Karajan Norwegia''' utawa '''Kongeriket Norge/Noreg''' jroning [[basa Norwegia]] yakuwi sawijining [[negaranagara]] [[Nordik]] ing Semenanjung [[Skandinavia]] bagéyan pucuk kulon lan wewatesan karo [[Swedia]], [[Finlandia]], lan [[Rusia]]. Panténé kang dumunung ing [[Samodra Atlantik|Samodra Atlantik Lor]] minangka lokasi [[fyord]] kang misuwur. [[Svalbard]] lan [[Jan Mayen]] ana ing ngisor kadhaulatan Norwegia adhedhasar [[Traktat Svalbard]].

Lansekap Norwegia umumé kasar lan akèh gunung, katutup déning [[gletser]], lan pinggir panté dawané luwih saka 83.000  km [http://odin.dep.no/odin/engelsk/norway/environment/032091-991558/dok-bn.html] diwatesi déning [[fyord]], lan uga pulo-pulo. Bagéyan lor negaranagara iki uga dikenal minangka "Tanah Srengéngé Tengah Wengi" amarga lokasiné kang dumunung ing sisih paling lor, lan saben musim panas srengéngé ora tau angslup, lan ing usum adhem srengéngé ora metu jroning wektu kang suwé. Norwegia wewatesan karo [[Segara Lor]] ing sisih kidul-kulon lan pulo-pulo [[Skagerrak]] ing sisih kidul, [[Segara Norwegia]] ing kulon, lan [[Segara Barents]] ing lor-wétan. Ing sisih wétan Norwegia wewatesan karo [[Swedia]], lan uga karo [[Finlandia]], lan uga karo [[Rusia]]. Titik paling dhuwur ing Norwegia panggonan sing arané [[Galdhøpiggen]] yakuwi dhuwuré watara 2.469 m. [[Iklim]] Norwegia [[iklim temperat]], utamané ing daerah pesisir amarga pengaruh [[Gulf Stream]]. Iklim tanah bagéyan jero luwih parah lan ing sisih lor luwih cedhak karo [[iklim subarktik]].

Norwegia kuwi negaranagara [[monarki konstitusional]] lan migunakaké sistem [[pamaréntah]]an [[Sistem Parlementer|parlementer]]. Parlemèné, Stortinget, nduwèni 169 anggota (sadurungé 165, tambah wiwit tangal [[12 September]] [[2005]]) kang dipilih kanggo masa jabatan 4 taun. Parlemen iki kabagi loro jroning voting legislasi, Odelsting lan Lagting. Kejaba kanggo sawetara bab, Storting nduwèni fungsi minangka parlemen [[unikameral]].

* [[Daftar negaranagara]]