Andhès: Béda antara owahan

[[File:A black and white photo of a lake in the Andes Mountains.jpeg|right|thumb|277px|Antizana, Ekuador ]]

'''Pagunungan Andes''' ([[Basa Quechua]], ''anti'', "jènggèr dhuwur") iku [[pagunungan]] paling dawa ing donya sing mbentuk rangkéyan [[dhataran dhuwur]] sadawané pesisir kulon [[Amérika Kidul]]. Pagunungan iki dawané luwih saka 7.000  km, ambané tekan 500  km ing sapérangan nggon (paling amba ing 18° tekan 20° LS), lan duwé kadhuwuran rata-rata watara 4.000 m. Pagunungan iki mbentang liwat pitung negaranagara: [[Argentina]], [[Bolivia]], [[Chili]], [[Kolombia]], [[Ekuador]], [[Peru]], lan [[Venezuela]], sing sok disebut "Negara-Negara Andean" (''Andean States'').

Rangkéyan pagunungan Andes utamané kapérang saka loro pagunungan gedhé [[Cordillera Oriental]] lan [[Cordillera Occidental]], sing asring dipisahaké karo [[depresi (geologi)|depresi]] antara sing njero, ing ngendi tumuli muncul rangkéyan pagunungan minor, kayata[[Cordillera de la Costa]] ing [[Chili]]. Cordillera de la Costa awalé saka pojok kidul bawana lan terus ngalor, paralèl karo pesisir, kapecah dadi sapérangan pulo ing bagéyan awalé lan sabanjuré mbentuk wates kulon lembah tengah gedhé Chili. Nuju arah lor, rangkéyan ing pesisir iki terus minangka rangkéyan pabukitan utawa bukit-bukit kapencil sadawané [[Samodra Pasifik]] nganti tekan [[Venezuela]], kanthi menthi mbentuk lembah ing bagéyan kulon rangkéyan gedhé.