'''Umbul''' iku sajinis dolanan tradisional kanggo bocah cilik (umumé bocah lanang) sing migunakaké [[gambar]]. Pirantiné arupa "gambar", yaiu gambar-gambar sing dikethok-kethok pesagi, biasané gambar wayang. Gambar sing didol umumé isih lembaran amba isi kurang luwih 50 gambar. Banjur lembaran gedhé mau di guntingi dadi gambar cilik-cilik. Saben gambar ana nomeré, yaiku 1 nganti 50 sing dunungé ana ing pojok gambar.
==Carané==
Sing jenengé "umbul" kuwiiku saben bocah setor sak lembar gambar, sing diarani gacu utawa gacuk. Sawisé diklumpukaké déning salah siji (bandar) gambar-gambar banjur diuncalaké mendhuwur bebarengan. Bareng wis tiba ing [[lemah]] endi gambar gacu sing tibané mlumah ( gambaré madhep mendhuwur), kuwiiku sing menang. Kabèh gambar sing tibané mengkurep bakal dadi duwèké sing menang. Yèn gambar sing mlumah luwih saka siji, umbul diterusaké manèh mligi kanggo gambar-gambar sing mlumah waé ( puteran kaloro) nganti mung ana siji gambar sing mlumah lan ya kuwiiku pamain sing dianggep menang. Nalika gambar-gambar diumbulaké mau para pamain banjur padha mbengokaké gacuné dhéwé-dhéwé. Sing gacuné gambar [[Janaka]] biasané mbengok karo nudingi gambar sing tiba ing lemah: " Janaka..janaka..dhéwééé..!!
Jenengé waé dolanan, mesthi waé ana pamain sing jujur apa anané lan ana uga bocah sing julig yakuwiyaiku kanthi ngrékadaya gacuné supaya bisa tiba mlumah. Carané yakuwiyaiku gambar gacuné didengkèk-dengkèk dhisik sadurungé supaya rada mlengkung. Yèn konangan, bandar sadurungé ngumbulaké banjur meneng-meneng ndengkèk gambar sing rada mlengkung mau supaya bali normal. Kalamangsane yèn ana sing ora trima banjur dadi tukar utawa [[gelut|gelutan]]an.
