Albumin: Béda antara owahan

'''Albumin''' ({{lang-la|albus}}, putih) yaiku aran kang digunakaké kanggo ngrujuk tumuju kabèh jinis [[protein]] [[monomer]] kang larut ing [[banyu]] lan ing larutan [[uyah]]. Albumin ngalami [[koagulasi]] nalika kena panas. Substansi kang ngandhut albumin kayata [[putih]] [[endhog]] kang diarani [[albuminoid]]. Ing [[manungsa]], albumin dikasilaké déning [[retikulum endoplasma]] ing njero [[ati]] kanthi wangun [[proalbumin]], banjur diiris déning [[badan Golgi]] kanggo disèkrèsi kanggo nggenepi kira-kira 60% cacahé [[serum getih]] kanthi konsèntrasi antarané 30 nganti 50 g/L. Albumin kuwiiku jinis protein kang paling akèh ing njero awak lan duwé kagunan wigati kanggo awak.<ref name="internet1">{{id}}[http://prodia.co.id/kimia/albumin Albumin](diundhuh 25 Januari 2013)</ref> Albumin dikasilaké déning [[ati]] lan duwé wektu paro 20 dina.<ref name="internet1"/>

Albumin duwé bobot molekul udakara 65 kD lan kawangun saka 584 [[asam amino]] tanpa [[karbohidrat]]. [[Gen]] kanggo albumin dumunung ing [[kromosom]] 4, kanthi dawa udakara 16.961 [[nukleotida]] lan 15 [[ekson]] kang kapérang ing telung dhomain simètris. Saéngga diprakirakaké albumin kuwiiku triplikasi saka dhomain primordhial kang tunggal (siji). Saben dhomain kapérang manèh dadi 2 sub-dhomain.