Fungi: Béda antara owahan

'''Fungi''' iku jeneng [[karajan (biologi)|regnum]] saka saklompok gedhé [[organisme|makluk urip]] [[eukariota|eukariotik]] [[heterotrof]] sing ngejur panganané sanjabaning badan banjur nyerep [[molekul]] nutrisi mlebu [[sel (biologi)|sel-sel]]é.

Fungi duwé manéka wangun. Awam ngenal sebagéyan gedhé anggota Fungi minangka [[jamur]], [[kapang]], [[khamir]], utawa [[ragi]], senadyan asring sing dikarepaké yaikuya iku panampilan njaba sing katon, dudu spesiesé dhéwé. Kangèlan jroning nepungi fungi dijalari anané [[pagiliran keturunan]] sing duwé panampilan sing béda (èlinga [[metamorfosis]] ing [[srangga]] utawa [[kodhok]]).

Fungi tangkar-tumangkar sacara [[seksual]] lan [[aseksual]]. Tangkar-tumangkar seksual kanthi cara: loro [[hifa]] saka jamur sing béda nglebur tumuli mbentuk [[zigot]] banjur zigot tuwuh dadi badan woh, éwadéné tangkar-tumangkar [[aseksual]] kanthi cara : mbentuk [[spora]], mawa [[tunas]] utawa [[fragmentasi hifa]]. Jamur duwé kothak spora sing disebut [[sporangium]]. Ing njero sporangium ana spora. Conto jamur sing mbentuk spora yaikuya iku Rhizopus. Conto jamur sing mbentuk tunas yaikuya iku Saccharomyces. Hifa jamur bisa kapurus lan saben fragmen bisa tuwuh dadi badan woh.