Drona: Béda antara owahan

Begawan '''Drona''' utawi '''Resi Durna''' utawi '''Bambang Kumbayana''' inggih menikapunika salah satunggalipun paraga wayang (tokoh wayang) saking wiracarita [[Mahabarata]]. Durna menikapunika putranipun [[Resi Baratmadya]] saking Hargajembangan kaliyan [[Dewi Kumbini]]. Durna asalipun saking [[Atasangin]]. Kacariyosaken bilih Durna punika dipun tudung minggat saking Atasangin amargi boten kersa dipunjodhoaeken kaliyan ramanipun. Durna menikapunika dados gurunipun Sata [[Kurawa]] lan [[Pandhawa]]. Panjenenganipun menikapunika priyantun ingkang ahli seni paperangan.

Durna kagungan pusaka sekti awujud [[keris]] Cundamanik lan Panah Sangkali (ing wekdal salajengipun panah menikapunika dipunparingaken dhateng [[Arjuna]]).<ref name="internet1"/> Durna palakrami kaliyan Dewi Krepi, putrinipun Prabu Purungaji, raja negari Tempuru, lan pikantuk putra ingkang asmanipun Bambang Aswatama.<ref name="internet1"/> Durna kasil damel padepokan Sokalima sasampunipun kasil ngrebat meh sepalih wewengkon negari Pancala saking kakuaosanipun Prabu Drupada.<ref name="internet1"/>

Watek kapribadenipun Drona inggih menikapunika sekti mandraguna, wasis babagan paperangan, nanging panjenenganipun watek kapribadenipun ingkang kirang sae inggih menikapunika gumedhe, wengis, lan kathah guneman.

Nalika taksih enem Drona kagungan asma timur (''nama kecil'') Kumbayana. Wonten ing salah satunggalipun versi, Kumbayana menikapunika putranipun Resi Baratmadya saking Argajembangan kaliyan Dèwi Kumbini.

Ing versi ingkang sanes, Kumbayana menikapunika kagungan garwa [[Dèwi Wilutama]] ingkang dados [[jaran]] amargi kenging sepatanipun dewa.

[[Poerbatjaraka]], salah satunggalipun ahli purbakala, naté nyerat bilih Drona menikapunika kadhang-kala dipunsebat [[Agastya]]. Pangiran menikapunika dipunpendhet saking asma ''Kumbayana'' ingkang caket kaliyan asma ''kumbha sambhava'', asma sanés Kumbayana..

[[categoryKategori:Paraga wayang]]