'''Salad''' inggih menikapunika [[istilah]] kanggé jinising [[panganan]] ingkang awujud potongan bahan panganan ingkang siap dipundhahar. Salad menikapunika padatanipun kadhapuk saking [[janganan]] utawi [[sayuran]] mentah utawi kathah ingkang mastani [[lalapan]] saha saged ugi saking maneka warni jinis [[woh-wohan]] ([[buah-buahan]]). Penyajian salad menikapunika kagungan variasi, wonten salad kangge hidangan pambuka, kangge ndampingi [[panganan]] utami lan kangge hidangan panutup. Salad menikapunika saged dipundhahar kanthi kahanan adhem (dipunlebetaken [[kulkas]] rumiyin) lan saged ugi saged dipundhahar kanthi kahanan ''temperatur ruang''. Kejawi menikapunika salad menikapunika saged ugi kanggé isi [[roti]] [[sandwich]]. Padatanipun salad menikapunika wonten paling sekedhik satunggal [[janganan]] ingkang tasih mentah utawi [[lalapan]] lan [[buah-buahan]] <ref name="internet1">[javaartwork.com/storage/modul.docx], Salad (dipun-akses tanggal 29 Oktober 2012).</ref> . Salad menikapunika asring dipundhahar kaliyan [[saus]] ''(dressing)'' tartamtu. Salad menikapunika sajatosipun namung ''versi Barat''ipun jinis dedhaharan wonten ing [[Indonesia]] kadosta [[gado-gado]], [[lotèk]], [[karédok]], utawi [[pecel]].
Asaling [[tembung]] salad menikapunika saking [[Perancis]] ''salade'' ingkang ateges ''sami'', saking [[Latin]] ''salata'' ingkang ateges ''asin'' saking ''sat (salt)'' utawi [[uyah]]. Wonten ing [[Basa Inggris]] [[tembung]] ingkang kapisan medal minangka salad inggih menikapunika ''salad'' utawi ''sallet'' nalika [[abad]] kaping 14.
Sarem utawi [[uyah]] menikapunika wonten gegayutanipun kaliyan salad amargi salad menikapunika dipunparingi [[bumbu]] ''dressing'' [[toya]] sarem utawi asin [[minyak]] lan [[cuka]] nalika masa [[Romawi]]. Pangginaan ''salad bar'' menikapunika kapisan wonten ing [[Inggris]] [[Amerika]] nalika [[taun]] 1976.
