|
[[Gambar:Pearls.jpg|thumb|Mutyara saking [[Jepang]].]]
'''Mutyara''' inggih menikapunika satunggaling barang atos ingkang dipun''produksi'' wonten ing [[jaringan lunak]] (mliginipun mantel) saking [[moluska]] gesang. Sami kalihan [[Periostrakum|cangkang]]ipun, mutyara wonten [[kalsium karbonat]] kanthi wujud [[kristal]] ingkang sampun dipunsimpen wonten ing ''lapisan-lapisan konsentris''. Mutyara ingkang saé menikapunika ingkang bunderipun sampurna lan alus, ananging wonten ugi wujud sanèsipun. Mutyara alami kanthi kualitas paling saé dipunregani minangka [[permata|watu permata]] lan objek kaéndahan pinten-pinten abad kepengker. Awit saking menikapunika tembung "mutyara" dados [[metafora]] kanggé nyebat samubarang ingkang langka, saé, lan awis.
Mutyara menikapunika awis sanget reginipun menawi dipunsadé lan dipundamel dados ''perhiasan'' ingkang cocok kalihan babagan ''fashion''. Mutyara menikapunika wonten ing alam liar kanthi gunggung ingkang arang. Mutyara ingkang dipundamel budidaya utawi mutyara ingkang asalipun saking [[tiram]]<ref name="mutyara"> {{id}} [http://www.iptek.net.id/ind/warintek/?mnu=6&ttg=3&doc=3b5 BUDIDAYA TIRAM MUTYARA], (dipun''akses'' tanggal 22 Maret 2013}} </ref> <ref name="mutyara3"> {{id}} [http://www.warintek.ristek.go.id/perikanan/Ikan%20Laut/budidaya_tiram_mutyara.pdf Tiram], (dipun''akses'' tanggal 22 Maret 2013}} </ref> menikapunika ingkang kathahipun dipunsadé ing pasaran. Mutyara [[laut|segara]] dipunregani langkung inggil tinimbang mutyara ingkang saking toya ingkang tawar. Ingkang kathah dipunsadé kanthi regi ingkang mirah menikapunika mutyara ''imitasi'' ananging kathahipun mawi kualitas ingkang kirang saé. Ing jaman rumiyin mutyara dipunginakaken minangka hiasan wonten ing rasukan (busana) ingkang mewah. Mutyara ugi saged dipundamel ''[[kosmetik]]'', [[jampi]], utawi wonten ing formula [[cat]] <ref name="mutyara1"> {{id}} [http://www.mutyaralombok.asia/blog/khasiat-dan-manfaat-butiran-mutyara Manfaat Mutyara], (dipun''akses'' tanggal 22 Maret 2013}} </ref>.
Mutyara ingkang dipunwastani gadhah kualitas kathahipun manéka werni kados ''mother of pearl'', sami kalihan kulit ingkang damel mutyara. Ananging sapérangan ageng jinis moluska mawi cangkang menikapunika saged ngasilaken mutyara radi kirang kemerlip utawi kirang bunder kados [[bal]]. Sanajan mekaten ugi saged ddipunsebat "mutyara" déning [[laboratorium]] [[Mineralogi#Gemologi|gemologi]] lan ugi wonten ing sangandhaping aturan [[Securities and Exchange Commission|US Federal Trade Commission]] kedhapuk kanthi cara ingkang sami kathahipun kirang nggadhahi ''nilai'' kejawi dados barang antik. Sapérangan ageng moluska ingkang gadhah cangkang menikapunika saged ngasilaken mutyara, kanthi prosès alami nalika satunggaling obyek mikroskopis ''terperangkap'' wonten ing sajroning mantel lipetan moluska.
Satunggaling mutyara alami kadhapuk tanpa peranan manungsa, wonten ing alam lan arang kedadosan. Kinten-kinten atusan [[bivalvia|kerang]] mutyara kedah dipunkempalaken lan dipunbikak lan ingkang mekaten dipunpateni namung kanggé manggihaken setunggal mutyara lan pinten-pinten abad menikapunika setunggaling cara kanggé pikantuk mutyara.
== Tiram mutyara ==
[[Gambar:Pearl_farm_(Seram,_Indonesia).jpg|thumb|Peternakan mutyara ing [[Seram]]]]
Tiram mutyara ([[Familia Pteriidae]]) inggih menikapunika ingkang ngasilaken mutyara minangka budidaya mutyara.
Ingkang dados jinis-jinis tiran mutyara inggih menikapunika :
* ''Pinctada maxima''
* ''Pinctada margaritifera''
* ''Pinctada fucata''
* ''Pteria penguin''
Dene [[moluska]] ingkang ngasilaken mutyara wonten ing toya ingkang tawar menikapunika dipunasilaken saking sapérangan jinis [[remis]] kadosta:
* ''Margaritifera margaritifera''
* ''Hyriopsis cumingii''
| 