'''John Fitzgerald Kennedy ''' (lair 29 Mei 1917 ing [[Brookline]], [[Massachusetts]] lan tilar donya tanggal 22 November1963 ing [[Dallas]], [[Texas]], [[Amerika Serikat]]), asring dipunsebat kanthi asma '''John F. Kennedy''', '''Kennedy''', '''John Kennedy''', '''Jack Kennedy''', utawi '''JFK''' inggih menikapunika [[Presidén]] [[Amerika Serikat]] ingkang kaping 35. Taun [[1960]] panjenenganipun dipundadosaken presiden Amerika Serikat, panjenenganipun dados presiden [[Amerika Serikat]] ingkang paling enem.<ref name="internet1"/> John F. Kennedy kalebet presiden ingkang paling sakedhap anggenipun dados presiden Amerika Serikat sasampunipun [[Theodore Roosevelt]]. Kennedy dados presiden sasampunipun dipunlantik tanggal 20 Januari 1961.<ref name="internet1"/> Jabatan dados presiden kandheg amargi panjenenganipun dipunperjaya pejah taun 1963.<ref name="internet1"/> Panjenenganipun tilar donya amargi katembak nalika taksih wonten kunjungan dhateng negari bagian [[Dallas]], [[Texas]] tanggal 22 November 1963.<ref name="internet1"/> Kennedy rubuh nalika nembe medal saking [[mobil]]. Tanggal 25 November 1963, jenazah dipunmakamaken ing [[Arlington]], [[Washington DC]].<ref name="internet1">{{en}}[http://www.spartacus.schoolnet.co.uk/USAkennedyJ.htm] dipunaksès tanggal 1 Juli 2011)</ref>
Kennedy menikapunika anggota klan Kennedy ingkang nggadhahi getih [[Irlandia]]-Amerika, salah satunggalipun kulawarga ingkang misuwur ing jagad [[politik]] ing nagaranipun.<ref name="buku1"/> Panjenenganipun dipunanggep minagka lambang [[Liberalisme]] Amerika.<ref name="buku1"/> Nalika [[Perang Dunia II]], panjenenganipun dipunalem amargi sampun nylametaken kancanipun ingkang nggadhahi profesi minangka pelaut ing [[Samudra Pasifik]] Kidul.<ref name="buku1"/> Kennedy makili [[Massachusetts]] nalika taun 1947–1960, minangka anggota Dewan Perwakilan lan Senat Amerika Serikat. Panjenenganipun kapilih dados presiden taun 1960 kanthi kamenangan ingkang tipis lan pemilu ingkang paling ''ketat'' sadangunipun sajarah Amerika.<ref name="buku1">{{id}}[Majalah. 2009. Tempo edisi 29. Jakarta: Tempo]</ref>
Ngantos taun 2005, panjenenganipun dados tiyang pisanan ingkang dados presiden Amerika Serikat ingkang nggebeng agami [[Katolik Roma]] minangka agaminipun.<ref name="internet1"/> Sasampunipun tilar donya amargi diperjaya tanggal 22 November 1963, donya ndherek duka amargi menikapunika.<ref name="internet1"/>
Wonten satunggal panaliten ingkang dipunlaksanakaken dening C-SPAN ingkang ngurutaken presiden Amerika Serikat, satunggalipun panel sejarawan maringi nilai John ing posisi kaping kalih saking sekawan dasa presiden.<ref name="internet1"/>
