'''Prof. Dr. Ali Wardhana''' ({{lahirmati|[[Kutha Surakarta|Solo]], [[Jawa Tengah]]|6|5|1928}}) inggih menikapunika tilas dhékan [[Fakultas]] [[Ekonomi]] [[Universitas Indonésia]] lan ugi pakar parékonomian [[Indonésia]] ingkang misuwur lan pinitados kanggé nyepeng jabatan penting ing [[pamaréntahan]].<ref name="internet1"/><ref name="internet2"/> Panjenenganipun naté njabat dados Mentri Kauangan Républik Indonésia ngantos gangsal welas [[taun]] dangunipun, inggih menikapunika ing antawisipun taun [[1968]]-[[1983]].<ref name="internet1"/> Salajengipun njabat dados Mentri Ekonomi, indhustri lan Pengawasan Pembangunan, ngantos gangsal taun dangunipun, inggih menikapunika ing taun [[1983]]-[[1988]].<ref name="internet1"/> Minangka dhékan FEUI panjenenganipun njabat ngantos sedasa taun dangunipun, inggih menikapunika taun [[1967]]-[[1978]].<ref name="internet1"/> Nalika [[wulan]] [[September]] [[1971]] panjenenganipun kapilih minangka pangarsanipun ''Board of Governors Bank Donya'' lan Dana Moneter Internasional kanggé periodhé [[1971]]/[[1972]].<ref name="internet1">{{id}}[http://www.ui.ac.id/download/guru_besar/Prof_Dr_Ali_Wardhana.pdf '''Prof. Dr. Ali Wardhana'''] dipunundhuh tanggal 1 Oktober 2011)</ref><ref name="internet2">{{id}}[http://www.tokohindonesia.com/index2.php?option=com_resource&controller=article&Itemid=271&category_id=282&article=444 '''Ali Wardhana'''] dipunundhuh tanggal 1 Oktober 2011)</ref>
Ali Wardhana pikantuk gelar [[sarjana]] saking Fakultas Ekonomi [[Universitas Indonésia]] ([[1958]]).<ref name="internet1"/> Salajengipun, nglajengaken studinipun dhateng [[Universitas California]] ing [[Berkeley]] [[Amérika Sarékat]] lan pikantuk gelar ''Master of Arts'' ing taun [[1961]].<ref name="internet1"/> Nalika taun [[1962]], panjenenganipun kasil pikantuk gelar Ph.D saking Universitas California kanthi dhisertasi ingkang irah-irahanipun “Monetary Policy in an Underdeveloped Economy: with Special Reference to Indonesia”.<ref name="internet1"/>
