'''Kastil Malbork''' utawi '''Kastil Marienburg''' menikapunika satunggaling [[kastil]] ingkang mapan wonten ing caketing ''Polandia Tri-City Gdansk'', [[Sopot]], lan [[Gdynia]] mliginipun wonten ing pinggiring [[Kali Nogat]] sisih tenggara, [[Polandia]] <ref name="internet1">[http://www.diwarta.com/malbork-castle-si-saksi-perkembangan-polandia/989/], Kastil Malbork si saksi perkembangan Polandia (dipun-akses tanggal 21 November 2012).</ref>. Kastil Malbork dipunbangun ing [[Prusia]] déning [[Orde Teutonik]] minangka [[ordensburg]] nalika [[taun]] 1274. Kastil menikapunika dipunparingi nama ''Marienburg'' ingkang kanthi harfiah ''Mary Castle'' ingkang ateges ''Kastil Maria''. Kutha ingkang madeg wonten ing kiwa tengenipun Kastil Malbork dipunwastani Marienburg. Ananging awit saking [[taun]] 1945 saksampunipun 173 taun kepengker, bagéyan saking [[Polandia]] kasebut kawéntar kanthi nama '''Malbork'''. Kastil menikapunika tuladha klasik saking [[bèntèng]] [[abad]] tengahan lan kalebet [[watu bata]] paling ageng sak-[[donya]] kanggé ''bèntèng gothic''. Kastil Malbork kadaftar wonten ing [[UNESCO]] minangka [[bèntèng]] lan [[muséum]] ''(Castle of the Teutonic Order in Malbork)''. ing satungggaling [[Situs Warisan Donya]] nalika [[Desember]] 1997 <ref name="internet2">[http://www.htysite.com/P-kastil.htm], (id) http://www.htysite.com (dipun-akses tanggal 21 November 2012).</ref>.
== Bagéyan kastil ==
Kastil ingkang kadamel saking [[watu bata]] menikapunika kapérang dados tiga bagéyan ingkang kapisah dados bagèyan nginggil, bagéyan tengah, lan bagéyan ngandhap. Ingkang misahkaken bagéyan kasebut menikapunika parit garing lan [[menara]]. Kastil Malbork dinggeni déning 3.000 tentara kanthi wiyaing tembok dumugi 52 [[are]] (21 ha), kaping sekawan langkung ageng tinimbang [[Kadhaton Windsor]]. Wonten ing kastil menikapunika ugi wonten kamar-kamar minangka papan kanggé saré, griya-griya, gudang senjata, [[pawon]] lan [[geréja]] <ref name="internet2"/>.
[[Perang Dunia II]] [[taun]] ndadosaken Kastil Malbork risak langkung saking setengahing bagéyan bangunan. Lajeng tambah parah malih awit saking kobongan ingkang kadadosan nalika taun 1959. Katedral utaminipun kantun puing-puing. Kastil Malbork dipunbangun malih nalika [[taun]] 1962. Kathah wisatawan ingkang dugi dhateng Kastil Malbork amargi saben wulan ing papan menikapunika asring wonten aréna pameran [[seni]] lan aréna atraksi wisata <ref name="internet2"/>.
Kastil ingkang mapan wonten ing [[Taman Wilhemshole]] menikapunika ugi dipunwastani ''kastil singa''. Dipunbangun déning LandGrave Wilhem IX saking Hessen Kassel, kastil menikapunika dipundesain déning arsitek kerajaan anama Heinrich Cristoph Jussow ingkang ahli lan kagungan pengalaman wonten ing proyek pambangunan bangunan-bangunan ing [[Perancis]], [[Italia]], lan [[Inggris]]. Heinrich ugi naté nggambar rancangan [[Taman Landgrave]] <ref name="internet3">[http://edupaint.com/jelajah/arsitektur-manca-negaranagara/3286-arsitektur-kastil-malbork.html], (id) Arsitektur Kastil Malbork (dipun-akses tanggal 27 Desember 2012).</ref>.
