[[Gambar:Uranometria orion.jpg|thumb|250px|right|Ukiran ingkang dados gambaranipun Orion.]]
'''Orion''' menikapunika satunggaling raksesa ingkang bagus saking [[Poseidon]] lan [[Euriale]]<ref name="orion1">[http://duniabintang.webs.com/apps/blog/show/3811062-tentang-bintang-] (id) dunia bintang (dipun''akses'' tanggal 28 Januari 2013)</ref> . Orion menikapunika kagungan kaluwihan mlampah wonten ing nginggilipun [[toya]] amargi bapakipun menikapunika ''dewa lautan''.
== Wonten ing mitologi ==
Orion nate nyambut damel marang Raja [[Oinopion]] ananging lajeng kesah lan dipundamel wuta (tuna netra) amargi sampun merkosa putrinipun Raja Oinopion inggih menikapunika [[Merope]] <ref name="orion2">[http://alkitab.sabda.org/dictionary.php?word=Orion] (id) Orion (dipun''akses'' tanggal 28 Januari 2013)</ref>. Lajeng Orion banjur nyuwun pitulungan dhateng [[Hefaistos]] lan dipunsambuti assistenipun, [[Keudalion]] supados mbeta Orion manggihaken [[Helios]] ingkang saged ngonduraken paningalanipun. Orion lajeng ngaso wonten ing Pulo [[Delos]] lan dados kanca caket saha pendherek ingkang paling dipunremeni déning [[Artemis]]. Wonten tigang versi babagan sédanipun Orion lan kados pundi saéngga Orion dados [[Orion|rasi bintang]] ing [[langit]].
== Seda ==
[[Hyginus]], [[Ovidius]], lan [[Hesiodos]] damel versi bilih ingkang mateni Orion menikapunika [[Gaia]], Sang Ibu Bumi. Wonten kalih alesan kenging menapa Gaia mateni Orion inggih menikapunika ingkang kapisan amargi Orion menikapunika umuk lan rumaos langkung sekti tinimbang [[Artemis]] utawi [[Leto]]. Gaia boten remen kalihan pangandikan Orion saéngga ngirim [[kalajengking]] raksesa, [[Skorpio]] supados paring piwales marang Orion ingkang umuk. Versi kaping kalih menikapunika Skorpio nyerang Artemis lan ibunipun ananging Orion dados pelindung lan matur bilih boten wonten makhluk ingkang boten saged piyambakipun pateni. Gaia lajeng paring prentah supados mateni Orion ingkang umuk. Cariyos kekalih menikapunika kapungkasan kanthi [[Zeus]] ingkang remen kalihan kuwantunanipun Orion sesarengan kalihan Artemis dipunangkat dhateng langit. Ananging ing sisihipun Orion ugi kapasang rasi bintang [[Scorpio]] minangka pitutur dhumateng manungsa supados boten umuk. Awit saking menikapunika, menawi rasi Scorpio katingal lajeng rasi Orion menikapunika dados mbleret.
[[Gambar:Diane auprès du cadavre d'Orion.jpg|thumb|left|250px|''Diane auprès du cadavre d'Orion'' karyanipun [[Daniel Seiter]], nggambarakaen prastawa sedanipun Orion.]]
Versi sanes saking Hyginus menikapunika Artemis lan Orion sansaya dangu tresna lan Orion nglamar Artemis. Artemis langsung nampi Orion kemawon tanpa mireng Apollo ingkang sampun nyobi ngelingaken Artemis (wonten ing saperangan versi Apollo ngelingkaken amargi Artemis menikapunika ''kekasih'' [[Eos]] ). Ananging Artemis boten mirang saéngga Apollo pados cara sanes kangge mbatalaken acara nikahanipun Artemis lan Orion. Apollo nyuwun Gaia supados ngirim kalajengking supados nguyak Orion dumugi mlebet ing [[laut|segara]]. Apollo lajeng nantang Artemis supados nedahaken kapinteranipun anggènipun manah. Amargi angkuh lajeng Artemis langsung manah barang [[ireng]] ingkang wonten ing tengah segara dumugi ombak mbeta awakipun Orion ing dharatan. Artemis ingkang dukha banjur nangis lan mapanaken Orion ing langir. Minangka mbales Apollo, banjur Artemis mateni [[Koronis]], ''kekasih'' Apollo.
Versi ingkang kaping tiga menikapunika Artemis piyambak ingkang mateni Orion. Wonten ingkang ngandharaken bilih menikapunika amargi Orion ingkang umuk ugi amargi Orion naté nyobi merkosa Artemis utawi salah satunggaling pendhèrèkipun. Wonten ugi versi ingkang ngandharaken bilih Artemis rumaos kuciwa amargi Orion lan Eos menikapunika ''zina''.
