Upacara tingkeban: Béda antara owahan

{{gabung|mitoni}}

[[Gambar:Siraman ing Mitoni.jpg|thumb|250px|[[Siraman]] wektu upacara mitoni]]

<br />

Wonten ing upacara kasebat, biyung ingkang nembé ngandhut pitung sasi dipunsiram nganggé toya [[kembang|sekar]] setaman ingkang dipunparingi dedonga ingkang mligi kagem biyung saha jabang bayinipun. Donga kasebat gadhah ancas nyuwun dhumateng Gusti supados tansah paring rohmatipun saéngga bayi ingkang badhe dipunlairaken slamet tanpa wonten alangan satunggal punapa.<ref>{{id}}Jandra, Mifedwil, dkk."Perangkat/Alat-alat dan Pakaian serta Makna Simbolis Upacara Keagamaan di Lingkungan Keraton Yogyakarta ". Departemen Pendidikan dan Kebudayaan.Yogyakarta:1991</ref>

 

==Tata cara upacara siraman tingkeban==

# Sasampunipun upacara siraman, dipunlajengaken upacara nglebetaken tigan ayam kampung wonten ing kain ([[sarung]]) calon sang ibu déning sang garwa saking padharanipun ngantos pecah. Punika minangka simbol saha nyuwun supados bayi ingkang badhé dipunlairaken saged lair kanthi gampil tanpa alangan satunggal punapa. Padatanipun, bilih priyantun èstri ingkang nembé ngandhut sapisanan nglairaken kathah godhanipun. Awit saking punika, prelu ndedonga kaslametan, utaminipun ing wekdal pitung sasi.

# Sasampunipun ingkang calon ibu ngagem kain pethak kaping pitu gantos-gantosan, lajeng dipunadani adicara medhot lawè ingkang dipunubengaken ing padharanipun calon ibu. Dènè ingkang medhot benang lawè punika inggih calon bapa nipun kanthi ancas supados bayi ing kandhutan samangkè saged lair kanthi gampil.

# Menawi lawè sampun dipunpedhot, mila calon simbah putri saking pihak calon ibu, nggèndhong [[klapa gadhing]] dipunkancani dèning ibu bèsan. Ananging sadéréngipun, klapa gadhing kala wau dipunlebataken wonten ing kain ingkang dipunagem calon ibu saking nginggil liwat padharan dumugi ngandhap, lajeng dipuntampani dèning calon simbah putri nipun. Ancas saking upacara punika inggih supados samangkè bayi ingkang dipunkandhut saged lair kanthi gampil tanpa rubèda satunggal punapa.

== Ubarampè Upacara Tingkeban ==

Ubarampè ingkang dipunginakaken ing upacara tingkeban inggih awujud manèka werna dhedharan. Dènè ancasipun wonten dhedharan punika minangka tandha sukur dhumateng Gusti Ingkang Maha Kuawaos awit sedaya sih nugrahanipun.

# [[Jajan Pasar]]. Jajan pasar punika boten kedah dipundamel piyambak ananging tumbas kèmawon wonten ing pasar. Jajan pasar ingkang dipuntumbas antawisipun kuè [[apem]], kuè [[cucur]], kuè [[bolu]], kuè [[lapis]], saha woh-wohan kados ta, [[nangka]], [[jeruk]], [[bengkowang]], [[timun]], [[pisang]], kacang godhog, lan sapanunggalanipun. Sedaya jajan pasar kala wau dipuntata kanthi rapi nembè dipunsajikaken.

# Rujakan. Rujakan punika kadamel saking manèka warna woh-wohan kados ta: jeruk, timun, [[blimbing]], pisang watu, lan sapanunggalanipun. Sedaya bahan rujak dipuncampur dados setunggal saha dipunsajikaken kanthi saè ngantos raosipun rujak èco. Ancasipun inggih supados bayi ingkang badhè dipunlairaken samangkè saged ngremenaken kulawarganipun.

# Dawet. Kangge nggampilaken anggenipun damel, dawetipun saged dipuntumbas wonten ing pasar saha ing griya namung kantun mangsak dawetipun kanthi dipuncampur santen supados raosipun èco. Menawi kepéngin seger saged dipuntambahi ugi és batu.

# Sajén Medikingan. Sajén punika dipundamel kanggè lairanipun putra ing sangandhaping putra bajeng piyambak. Dènè ubarampènipun inggih kados mekaten.

:* sekul jenè ingkang bentukipun kerucut.

:* bubur procot, dipundamel saking glepung wos, santen sacekapipun, gendhis klapa, ingkang dipunmangsak kanthi wetah, lajeng dipunlebetaken periuk ingkang salajengipun dipunmangsak sesarengan.

<br />

Sapèranganing pirantos ingkang kedah dipunsamektakaken kanggè upacara tingkeban ing antawisipun 1 mèja ingkang dipuntutup kain pethak ingkang resik. Sanginggilipun dipuntutup malih kaliyan [[bangun tulak]], kain [[sindur]], kain [[lurik]], [[yuyu sekandhang]], mayang sekar utawi [[lentrek]], ron [[dhadhap serep]], ron [[kluwih]], saha ron alang-alang. Sedaya bahan kala wau kanggè lambaran menawi saweg nyirami.<ref>{{id}}[http://www.tembi.org/adat/20090523/index.htm Upacara Tingkeban 1](diaksès tanggal 6 Juni 2012)</ref>

 

# Bokor. Bokor dipunisi toya sekar setaman kanggè upacara siraman.

# Bathok. Dipunginakaken kanggè cidhuk ing upacara siraman.

 

==Busana Upacara Tingkeban==

 

==Sesajén Tingkeban==

# Jajan pasar saha pala kependhem

# [[Arang-arang kembang]] 1 gelas

 

=Referensi=

{{reflist}}

 

[[Kategori:Budaya Jawa]]