|
==Ètimologi==
[[gambar:Grilled burger 1 bg 20090614.jpg|thumb|200px|Daging burger kang dibakar]]
Tembung hamburger asalé saka tembung Hamburg, yaikuya iku kutha [[Hamburg]] kang ana ing [[Jérman]], banjur nglakoni èmigrasi menyang [[Amèrika]]. Ing Jérman dhuwur, tembung ''Burg'' tegesé rerampungan kang difortifikasi utawa ''diperkaya perlindungan'', lan mujudaké komponèn kang amba kanggo jeneng panggonan. Hamburger bisa bisa dadi [[tembung aran]] ing sajroning [[Basa Jérman]], ngrujuk menyang wong kang saka Hamburg (bandingké [[London]] - London>) utawa [[tembung katrangan]] kang nggambaraké kahanan ing kutha Hamburg. Semana uga tembung ''[[hot dog]]'' lan utawa ''[[sosis]]'', jeneng liya panganan kang agawé saka daging, uga dienggo ing [[Jérman]] minangka [[tembung]] aran kang wong-wong lan minangka [[tembung katrangan]] kanggo nggambaraké kahanané saka kutha [[Frankfurt]] lan [[Wien]] (Wina). Tembung "burger" ana gegayutané karo pirang-pirang jinis sandwich kang arep padha karo hamburger, migunakaké daging kang béda, kayadéné burger [[kebo]], burger [[kalkun]], burger [[kidang]], burger [[salmon]], utawa burger-burger vegetarian.<ref>[http://www.merriam-webster.com/dictionary/burger Burger] ''Merriam-Webster''</ref>
==Sajarah Burger==
Panganan iki pisanan dadi [[panganan]] khas bangsa [[Tartar]], yaikuya iku arupa [[daging]] cincang kang dipangan mentah kanthi mung diwènèhi banyu peresan [[jeruk]]. Bangsa Tartar iku bangsa nomaden kang asring nglakoni lelana kang adoh kanthi numpak [[jaran]], mula daging kang digawa dadi atos lan ora patut dipangan. Bangsa Tartar iku mau ngakali kanthi nyèlèhaké daging ing sangisore sadèl jarané. Sawisé nglakoni lelana adoh, jebul dagingé iku isih anget lan ora adhem. Daging iku langsung dipangan, tanpa dimasak, lan mung diwènéhi banyu peresan jeruk.
Panganan kang misuwur saka [[Asia Tengah]] iki banjur digawa déning pelaut [[Éropah]] menyang negarané, ing kutha Hamburg. Warga ing kutha iku padatan nganggep yèn warga kana iku warga kang nduwèni adab. Warga kana ora gelem mangan daging kang ora dimasak, mula daging khas Tartar iku dimasak dhisik sadurungé dipangan kanthi cara dibakar utawa digoréng. Jebul panganan iki disenengi karo wong akèh. Nganti saiki isih ana wong-wong kang luwih seneng mangan burger kanthi cara mentah.
Miturut Perpustakaan Kongres Amerika lan Pamrentahan Connecticut, hamburger pisanan didol ing taun [[1895]] dening [[Louis Lassen]] ing restorane Louise's Lunch ing [[New Haven, Connecticut]]. Majalah [[New York]] ngandharake yen pisanan panganan iki ora diwenehi jeneng nganti ana pirang-pirang pelaut saka Hamburg mampir menyang restoran iku, banjur njenengi menu iku kanthi jeneng hamburger.
Sajarawan [[Texas]] Frank X. Tolbert ngandharake yen sing nemokake hamburger kang pisanan yaikuya iku [[Fletcher Davis]] saka [[Athens, Texas]]. Dheweke mitayani yen Davis mulai dodol hamburger ing kiose kang ana ing Athens wiwit taun [[1880]]an, lan ngenalake hamburger menyang St.Louis Fair ing taun [[1904]].
==Hamburger Saiki==
[[gambar:MOS Kaisen01.JPG|thumb|200px|Burger saka sega]]
Saiki hamburger akeh kang didol dening jaringan restoran cepat saji ing pirang-pirang negara. Nanging kang paling misuwur ing sakabehing restoran kang ngadol hamburger ing sakabehing donya yaikuya iku [[McDonalds]] kanthi Big Mac, restoran [[Burger King]], [[A&W]] lan [[Wendy's]]. Konsumsi burger misuwur banget ing sabakehing donya amarga rasane kang enak lan praktis. Hamburger bisa dipangan sinambi mlaku-mlaku. Saliyane iku, iklan hamburger kang dibabarake ing tipi, asring ncitrakake hamburger minangka panganan modern.
Ing pirang-pirang negara akeh kang mariasekake burger nganti rasane mathuk karo selerane sing nggawé. Ana kang ngganti daging sapi karo daging [[babi]], [[cumi-cumi]], [[iwak]], [[urang]], lan [[lobster]]. Tuladhane burger kang unik yaikuya iku Rice Burger, panganan iki ditemokake ing [[Jepang]], [[China]], lan [[Taiwan]]. Warga kana migunakake sega minangka gantine roti. Ana wong kang mariasekake burger vegetarian kanthi cara ngganti daging kang ana ing burger karo [[gluten]], uga ana Tofu burger kang migunakake tahu minangka gantine daging.
==Quarter Pounder==
===Hamburger Keju===
[[gambar:Burger-King-Bacon-Cheeseburger.jpg|thumb|200px|Burger keju]]
Burger keju iku hamburger kang disisipi keju. Cara nggawéne yaikuya iku keju dipotong tipis, banjur diuja sedhela supaya kejune lumer. Ing Amerika Serikat, keju kang asring dienggo yaikuya iku keju Amerika. Saliyane iku, keju [[mozzarella]], keju biru, keju [[pepperjack]], lan keju [[Cheddar]] uga asring dienggo.
Keju kang ana ing burger marakake burger dadi luwih ngndhut [[gizi]]. Yen dibandhingake karo burger biasa, burger keju ngandhut [[kalori]] 20% kang luwih akeh, [[gajih]] 33% lan [[protein]] 25% kang luwih akeh. Yen migunakake keju liyane uga bakal ngowahi kandhutan gizi hamburger, gumantung kandhutan nutrisi saben-saben keju.
| 