Masya and the Bear yaiku film seri animasi kang diproduksi dening negaranagara Rusia. Film iki ceritane saka dongeng kanthi irah-irahan "Masha and the Bear". Serial iki digawé dening Oleg Kuzovkov ing tahun 2009 kanthi tanggal rilis 7 Januari. Sing produksi lan didistribusiake yaiku Animaccord Animation Studios. Masha digambarke minangka sawijining bocah wadon kang aktif, grapyak, nyanak, sumeh, lan angel kandanane. Dheweke manggon ana ing tengah hutan karo kewan piaraane yaiku babi, asu, wedhus, kang kerep diajak dolanan nanging padha ora gelem. mangka yen Masya metu saka ngomah, kewan-kewane padha delik ing kandhange dhewe-dhewe. Mishka, aran beruang sing dadi kancane Masha iku minangka beruang kang sabar, kebapak-bapakan, lan asih banget karo Masya. nanging Masha kuwiiku bocah kang nakal lan seneng gawé atine Mishka mangkel.
