Yaqowiyu: Béda antara owahan

'''Yaqowiyu''' iku sawijining pahargyan upacara adat [[Jawa]] arupa nyebar [[apem]] ing tlatah [[kecamatankacamatan]] [[Jatinom, Klathèn|Jatinom]], [[kabupatèn Klathèn]], [[Jawa Tengah]]. Pahargyan iki diadani setaun sepisan saben wulan [[Sapar]] nuju [[dina]] [[Jemuwah]] minggu kapindho utawa ing madyaning sasi.

Mula bukané upacara pahargyan iki ora liya merga Ki Ageng Gribig, yaikuya iku ngulama sholèh lan mangaribawa kang sugeng ing [[abad]] XVI. Nalika semana Ki Ageng Gribig kondur munggah [[haji]] saka [[kutha]] [[Mekah]] kanthi ngasta olèh-olèh arupa [[apem]] kanggo putra wayah lan para santri, merga mung sethithik mula ora kabèh bisa keduman. Sabanjuré Nyi Ageng Gribig gawé apem menèh sisandéné bisa diandum marang para warga Jatinom, nalika andum apem, Ki Ageng Gribig karo ngendika '''"Yaa qowiyyu"''', tegesé: ''Duh, Gusti ! Paringana kekiyatan''. Prastawa kasebut banjur dilanggengaké lan dipèngeti saben taun déning warga kanthi jeneng '''Yaqowiyu'''.

Ki Ageng Gribig nalika kondur saka [[Mekah]], ora mung ngasta apem, nanging uga ngasta ''[[lemah]]'' segenggem kang dipundhut saka [[ara-ara|ngara-ara]] [[Arofah]], nuli ditanem ing lapangan sabanjuré kawastanan ngara-ara ''Tarwiyah'', amarga lemah iku kapundhut Kyai Ageng Gribig saka Arofah nalika ngumpulaké banyu kanggo sangu wukuf ing tanggal 8 [[Besar|Dzulhijjah]]. Dina iku pancèn kawastanan ''Yaumul Tarwiyah''. Banjur [[tembung]] Yaqowiyu yaikuya iku saka pengajian kang dianakaké Ki Ageng Gribig, nalika mungkasi mesthi ndedonga “Yaa qowiyyu. Yaa Aziz qowina wal muslimiin, Yaa qowiyyu warzuqna wal muslimiin”, kanggo nyuwunaké kekuwatan umat [[muslim]].

[[Kategori:Budaya Jawa]]
[[Kategori:Upacara adat Jawa]]