Alergen ya iku senyawa kang bisa nginduksi imunoglobulin E (IgE) lumantar paparan wujud inhalasi (disedhot), ingesti (prosès ngeleg), kontak, utawa injeksi.[1] Respon awak marang sawijining alergen kedadeyan lumantar prosès kang kompleks lan didayani déning faktor-faktor, ya iku sipat inang, lingkungan,lan sipat fisik saka alergen.[1] Alergen minangka protéin kang bisa ngrangsang respon imun awak lumantar reaksi enzimatik utawa aktivasi reseptor ing sel epitelium mukosa kanthi langsung.[2] Tuladha-tuladha antigen spesifik ya iku:[2]

  • Aeroalergen
Serbuk sari, salah sawijining alergen kang umum tinemu.

Protein utawa glikoprotein kang sumebar ing udara lan sumbere saka warna-warna sumber, kaya ta spora kapang, serbuk sari tuwuhan, wulu kéwan, lan telèk tengu sarta coro.[2]

  • Alergen panganan

Tuladhané pangananan kang lumrahé nyebabake alergi tumrap bocah-bocah ya iku andog, susu, kedelé, gandum, lan kacang.[2]

  • Alergen lateks

Alergi kang disebabake déning karet lateks kang kerep dirasakake déning pekerja indhustri karet, petugas keséhatan, lan wong kang nglakoni oprasi nalika isih bayi.[2]

  • Alergen farmasi

Tuladhané penisilin lan sefalosporin.[2]

  • Alergen wisa gegremet

Entubé gegremet bisa ndadèkaké alergi tumrap manungsa.[2]

Cathetan suku besut

  1. a b (Inggris) Richard F. Lockey, Dennis K. Ledford (2008). Allergens and allergen immunotherapy. Informa Healthcare. ISBN 978-1-4200-6197-0. Page.31-32
  2. a b c d e f g William E. Paul (2008). Fundamental immunology. Lippincott Williams & Wilkins. ISBN 978-0-7817-6519-0.Page.1379-1381