Alfred Moisiu
Alfred Spiro Moisiu}} (miyos 1 Dhésèmber 1929, ing Shkoder, Albania) inggih punika Présidhèn Albania wiwit 24 Juli 2002.[1]
| Alfred Spiro Moisiu | |
|---|---|
 | |
| Présidhèn Albania ke-4 | |
| Linggih 24 Juli 2002 – 23 Juli 2007 | |
| Kang sadurungé | Rexhep Meidani |
| Kang sawisé | Bamir Topi |
| Rerincèn dhiri | |
| Lair | Dhésèmber 1, 1929 Shkodër, Albania |
| Bangsa | Albania |
| Parté pulitik | Non-parté |
| Sisihan | Milica Moisiu |
| Profési | Militer |
| Agama | Kristen Ortodok Timur |
Sadangunipun 1943-1945, piyambakipun ndhèrèk mendhet pérangan wonten ing Perang Kamardika Albania saking pendudukan Jerman. Taun 1946, piyambakipun ndhèrèk Uni Soviet minangka sawijining siswa. Taun 1948, piyambakipun lulus saking sekolah teknik militèr ing Saint Petersburg ngkang sadèrèngipun gadhah nama Leningrad. Piyambakipun dipuntugasaken dados satunggaling komandan pleton ing Tirana ing Sekolah Kesatuan Opsir (1948-1949) lan minangka pengajar ing Akademi Militer (1949-1951). Taun 1952-1958, piyambakipun kuliah wonten ing Akademi Teknik Militer (Academy of Military Engineering) ing Moskow. Piyambakipun lulus kanthi predikat Golden Medal [2]
Sasampunipun kondur dhateng Albania, Moisiu nglajengaken karier militeripun ing pérangan teknik saking Kementrian Pertahanan. Periode 1967-1968, piyambakipun kursus staf umum tinggi Akademi Pertahanan Tirana. Wonten ing wekdal ingkang sesarengan, piyambakipun dados komandan sawijining brigade ponton ing Kavaje (1966-1971). Taun 1971, piyambakipun dados Kepala Biro Teknik lan Perbentengan Kementrian Pertahanan (The Bureau of Engineering and Fortifications of the Ministry of Defense) ingkang wonten ing sangandhaping kepemimpinan Enver Hoxha. Ewunan kotak balok dipunyasa kanggé mempertahanaken saking nagara-nagara ingkang dipunanggep musuhan kaliyan Albania.
Taun 1979, Moisiu pikantuk gelar Ph. D. ing babagan ngèlmu kemiliteran. Wiwit taun 1981, piyambakipun dados Wakil Mantri Pertahanan. Piyambakipun tetep njabat wonten ing posisi mau ing sangandhaping pamaréntahan Beqir Balluku, Mehmet Shehu, lan Kadri Hasbiu dumugi Oktober 1982. Mantri Utama Shehu tilar donya rikala Dhésèmber 1981. Mbok manawi amargi perselisihan Shehu kaliyan Enver Hoxha, piyambakipun dipunkintun dhateng Burrel lan nindakaken tugas minangka komandan kesatuan teknik saking 1982-1984. Piyambakipun nilaraken militeripun minangka satunggaling jenderal.
Piyambakipun wangsul malih dhateng pagesangan publik rikala Dhésèmber 1991 nalika dipuntunjuk minangka Mantri Pertahanan wonten ing pamarèntahanipun Wilson Ahmeti ingkang kasungsun saking nimpuna lan miwiti kapilihipun parlemen ingkang kapisanan kanthi dhémokratik ing Albania pasca-kuminis. Piyambakipun njabat dumugi April 1992 nalika pamarèntaha kapisanan Parté Dhémokratik Albania (Democratic Party of Albania) ingkang dipunpimpin Aleksander Meksi kadhapur. Badan èksekutif ingkang énggal ngundhang Moisiu saperlu makarya minangka counselor wonten ing Kementrian Pertahanan.
Piyambakipun nguwaosi Basa Ruslan, Basa Italia, lan Basa Inggris. Piyambakipun ugi sampun nyerat kathah artikel sarta makalah panalitèn babagan ngèlmu-ngèlmu kemiliteran, babagan pertahanan lan keamanan. Piyambakipun minangka pemimpin non-Muslim kapisanan Albania wiwt nagara punika medal saking dekade kuminis.[3]
Cathetan suku besut
- ↑ http://www.president.al/english/pub/presidenti.asp Archived 2008-10-11 at the Wayback Machine. Official Website
- ↑ http://www.president.al/english/pub/presidenti.asp Archived 2008-10-11 at the Wayback Machine. Alfred Moisiu Curriculum Vitae
- ↑ http://www.cwnews.com/news/viewstory.cfm?recnum=19434
- Write the President Archived 2006-10-24 at the Wayback Machine.
- Photo
- Photo