Andijon iku salah siji wewengkon ing Uzbèkistan sing pernahé ing iring wétan Lembah Fergana ing puncit wétan Uzbèkistan. Wewengkon iki watesan Wewengkon Fergana lan Wewengkon Namangan ing Kyrgyzstan. Laladané amba 4.200 km2. Cacahé wong sing ndunungi ana watara 2.756.400[1] lan ingaran wewengkon sing paleng padhet wong ing Uzbèkistan.

Wewengkon Andijon
Andijon viloyati
Wewengkon
Andijon ing Uzbekistan
Andijon ing Uzbekistan
Koordhinat: 40°45′N 72°10′E / 40.750°N 72.167°E / 40.750; 72.167Koordhinat: 40°45′N 72°10′E / 40.750°N 72.167°E / 40.750; 72.167
NagaraUzbèkistan
Kutha krajanAndijon
Pamaréntahan
 • HokimShuhratbek Abdurahmonov
Laladan
 • Gunggung4.200 km2 (1,600 sq mi)
Cacah warga (2013)
 • Gunggung2.756.400
 • Pepadhet660/km2 (1,700/sq mi)
Zona wektuWétan (UTC+5)
 • Usum panas (DST)durung dingertèni (UTC+5)
Kodhe ISO 3166UZ-AN
Dhistrik14
Kutha gedhé11
Kutha madya0
Désa95

Jeneng Andijon asalé saka tembung Pèrsi اندکان utawa Andakan.[2] Étimologi adat nggayutaké jeneng mau karo étnonim Gandhi (salah siji bangsa Turk) sing wis ana kawit jaman pra-Islam.[3]

Wewengkon Andijon dipérang dadi 14 dhistrik administratif. Kutha krajané uga jeneng Andijon. Iklimé sing lumrah mono iklim kontinèntal mawa panasing hawa gedhé banget kacèké antarané usum salju lan usum panas.

Sumber daya alamé kaya ta lenga patra, gas alam, ozokérit lan watu gamping. Kaya déné wewengkon liyané ing Uzbèkistan, Andijon kasuwur awit saka wowohan mélon lan semangkané sing legi-legi. Budidaya ing palawija gumantung marang palemahan sing mawa ilèn-ilèn (irigasi). Tetanèn pokok wewengkon iki kaya ta: kapas, séréal, vitikultur, ingon sapi, lan kebon ijon-ijon (vegetables).

Indhustri kaya ta olah logam, indhustri kimiah, indhustri cilik, olah panganan. Pabrik otomobil pisanan ing Asiah Tengah diyasa ing Asaka sing kalebu ing Wewengkon Andijon déning upaya patungan Uzbèk-Koréa, UzDaewoo. Wetoné pabrik iki kaya ta kréta montor Nexia lan Tico uga bis mini Damas.

Pérangan administratif besut

 
Dhistrik-dhistrik ing Andijon
Jeneng dhistrik Kutha krajan
Andijon Kuyganyar
Asaka Asaka
Baliqchi Baliqchi
Boz Boz
Buloqboshi Buloqboshi
Izboskan Paytug
Jalalkuduk Akhunbabaev
Khodjaobad Khodjaobad
Kurgontepa Kurgontepa
Marhamat Marhamat
Oltinkol Oltinkol
Pakhtaabad Pakhtaabad
Shakhrihon Shakhrihon
Ulugnor Okoltin

Réferènsi besut

  1. The State Committee of the Republic of Uzbekistan on Statistics
  2. Dehkhoda Dictionary Archived October 3, 2011, at the Wayback Machine.
  3. Географические названия мира: Топонимический словарь. — М: АСТ. Поспелов Е.М. 2001.