Associação Chapecoense de Futebol

Associação Chapecoense de Futebol, kondhang asesilih Chapecoense lan dicekak ACF, iku klub bal-balan Brazil sing kandhangé ing kutha Chapecó, praja Santa Catarina.

Chapecoense
Jeneng dawaAssociação Chapecoense de Futebol
ParabanVerdão (Ijo Gedhé)
Furacão do Oeste (Lésus saka Kulon)
Chape (Chape)
Chape terror (Tèror saka Chape)
Yasa10 Mèi 1973; 50 taun kapungkur (1973-05-10)
SetadhiyonArena Condá, Chapecó, Santa Catarina
Momotan22.600
PrésidhènIvan Tozzo (interim)
LigaCampeonato Brasileiro Série A
Campeonato Catarinense
2015Série A, angka 14
Catarinense, angka 1
Sana jaringanKaca tepas klub
Kandhang
Njaban
Katelu

Klub iki diyasa taun 1973 sing ancasé mulihaké kaanan bal-balan ing kutha Chapecó. Klub iki menang kajuwaran praja, Campeonato Catarinense, pisanan ing taun 1977. Saliyané iku, klub iki wis menangaké lan éntuk gelar saka limang praja tekan sapréné, sing paling kèri taun 2016. Masiya kalebu cilik, klub iki kasil lumebu dhivisi unggulan Brazil, Série A, ping pisanan nalika taun 2014. Klub iki uga duwé kagiyatan futsal lan wis tau menang kajuwaran praja ping pindho. Tetandhingan kandhang klub iki diadani ing Arena Condá.

Dhèk 28 Novèmber 2016, montor mabur carteran sing ditumpaki tim sénior klub iki ngalami kasengsaran nalika ngener Papan Anggegana Internasional José María Córdova cedhak Medellín, Kolombia. Lampah anggeganané iku nedya nandhangi main lèg kapisan final Copa Sudamericana 2016 lumawan Atlético Nacional, lawan sing dianggep gedhé dhéwé ing sajarah klub iki.[1] Ing kasengsaran iki, mung wong enem saka 77 ing montor mabur iku sing waluya, kalebu telung juru main Chapecoense. Amarga kadadéan iku, Atlético Nacional nyuwun marang badan sing ngadani tetandhingan iku, CONMEBOL, murih Chapecoense inganugraha bèkèr juwara.[2] CONMEBOL nuli nganugrahani Chapecoense bèkèr juwara nalika tanggal 5 Dhésèmber 2016 lan Atlético Nacional nampa Centennial Fair Play Award (cara Jawa: Pangaji Main Adil ing Satus Taun) awit tumindaké.[3]

Rujukan besut

  1. "Brazil football team Chapecoense in Colombia plane crash". BBC News. November 29, 2016. Dibukak ing November 29, 2016.
  2. "Football world united in grief; opponents request title be awarded to tragic club". Irish Examiner. 28 November 2016.
  3. "Chapecoense awarded Copa Sudamericana title by CONMEBOL after losing players in plane crash". Australian Broadcasting Corporation. 6 December 2016.

Pranala njaba besut