Badhut ya iku wong kang nglipur kanthi macak rainé nganggo wedhak kang kandel lan nganggo klambi kang anèh lan warna-warni.[1] Badhut uga pinter kanggo mragakaké obahan lan rai kang lucu.[1] Profesi badhut sabenere wis ana wiwit biyén.[1] Badhut wis ana nalika jaman Romawi Kuna.[1]

Badhut sakan Donya Wétan

Badhut ora mung nggawé ngguyu wong-wong sugih kang stress kanthi tontonan, nanging uga nglipur lan luru dhuwit ing dalan-dalan utawa kang dikenal kanthi istilah ngamèn. Badhut nduwé kabisan kanggo pantomim kanthi obahan-obahan slapstik kang konyol.[1] Badhut uga ana kang nyebut dadi panglipur ing dalan-dalan kang paling tuwa ing donya.[1]

Miturut sajarah, badut tegesé wong kang dandan lucu lan kadang-kadang niru karakter komik, nganggo make-up kandel lan sandhangan kang unik.[1] Badhut uga bisa mragakaké obahan kanthi lucu lan konyol ora nganggo omongan. Iki kang mbedakaké karo pelawak konvensional.[1]

Sajarah besut

Ing abad pratengahan nalika kurang luwih taun 500 M nganti 1500 M ana karakter badhut kang misuwur banget.[2] Masarakat Éropah, kususé Italia ngertèni karakter iki kanthi jeneng arlecchino utawa harlequin.[2] Karakter iki dipopulèraké karo kalompok sandiwara commedia dell`arte.[2] Nanging kostum kang dianggo isih apa anané.[2]

Klambi badhut kang kaya saiki iku asil perkembangan kostum kang tau dipopulèraké ing Jerman lan Inggris, ya iku nalika abad kaping 18 M.[2] Nalika iku dandanan lan gaya pantomim Pickellherring misuwur banget.[2] Sandhangan kang dienggo nduwé ciri, klambi lan sepatu gombrong utawa gedhé, topi kang warna-warni, lan rénda gedhé kang bunder lan dianggo ing gulu.[2]

Nalika abad kaping 18 M iki, badhut uga dadi pérangan wigati ing sirkus.[2] Atraksi badhut lumrahé nganggo obahan-obahan akrobat kang nggawé sepaneng.[2] Karakter Jocy kang diciptakaké Joseph Grimaldi kalebu karakter kang misuwur banget, karakter iki ora mung bisa nggawé seneng nanging uga nggawé sedhih lan wedi.[2]

Cathetan suku besut

  1. a b c d e f g h lintasberita.com[pranala mati permanèn](dipunundhuh tanggal 13 Juni 2011)
  2. a b c d e f g h i j sayona.web.id Archived 2011-08-10 at the Wayback Machine.(dipunundhuh tanggal 13 Juni 2011)