Bedu (lair ing Surabaya, 8 Juli 1979; umur 44 taun) inggih punika satunggalipun artis lan pelawak saking Indonesia.[1] Pelawak ingkang gadhah asma jangkep Bedu Tohar punika miwiti karieripun wiwit ndhèrèk golongan lawak Cagur ingkang dipungawangi déning Denny Cagur, Narji, lan Bedu piyambak. Sasampunipun Bedu medal saking golongan Cagur lan tampil piyambak.[1] Ing golongan Cagur, Bedu dipun-gantos déning Wendy Armoko.[1] Namanipun Bedu radi kirang misuwur wiwit medal saking Cagur.[1] Nanging wiwit main ing kalih situasi komedi (sitkom) lenong kanthi raos Komedi Betawi lan Ngelenong Nyok, ingkang main ing stasiun TransTV, namanipun dados misuwur malih.[1] Boten namung main ing televisi, Bedu ugi dados penyiar radhio Mustang lan dados panatacara ing kathah acara, acara off-air utawi on-air.[1] Bedu gadhah garwa Irma Kartika Anggraeni.[2] Ing tanggal 17 Dhésèmber 2010, putranipun ingkang nomer satunggal lair kanthi Caesar, ing RS Kemang Medical Center, Jakarta, lan putranipun diparingi nama Muhammad Abrar Darraz Rayyan.[2] Putranipun lair kanthi abot 3,4 kg lan panjangipun 50 cm.[2] Namanipun gadhah teges Abrar: golongan ingkang tansah nglaksanakaken kasaenan, Darraz: Kaendahan, lan Rayyan: namanipun lawang swarga.[2]
| Bedu |
|---|
 |
| Lair | Bedu Tohar |
|---|
| Pakaryan | Artis, Pelawak |
|---|
| Taun aktif | 1997 - sapunika |
|---|
| Dhuwur | 160 cm (5 ft 3 in) |
|---|
Cathetan suku
besut
Pranala njawi
besut
