Brexit
- Artikel iki prakara wetuné Karajan Manunggal Britania Agung lan Irlandia Lor saka Uni Éropa, kanggo panrapan liya, wacanen: Brexit (disambiguasi)
Brexit iku tembung cekakan ing basa Inggris saka Britain lan exit lan tegesé wetuné Karajan Manunggal Britania Raya lan Irlandia Lor saka Uni Éropa. Ing tanggal 23 Juni 2016, pamaréntah Britania kang dibawahi David Cameron nganakaké Réferèndum ngenani Britania olèhé dadi anggota Uni Éropa (2016). Isi réferèndum iki pitakonan utawa Britania iku kudu metu saka Uni Éropa utawa ora. Péhak Brexit menang.
Latar wuri besut
Britania Raya iku wis dadi anggota Uni Éropa wiwit taun 1973, kang nalika iku jenengé isih Komunitas Ékonomi Éropa. Nanging olèhé dadi anggota iki ngundang kontrovèrsi saka rakyaté. Mula ing taun 1975 dianakaké réferèndum. Réferèndum iki dimenangaké déning péhak kang sarujuk panggah nggabung.[1]
Manuju menyang Brexit besut
Sawisé pamilihan House of Commons in taun 2015, Mahamantri Britania, David Cameron njanjèni bakal nganakaké réferèndum kang mangiket ngenani kaanggotan Britania sajeroning Uni Éropa. Perkara iki kanggo netepi janjiné nalika kampanye kanggo Parténé, ya iku Parté Konservatif. Rencanané iki dicanangké nalika pidhato Queen's Speech surya 27 Mèi 2015, ya iku supaya réferèndum iki dianakaké sadurungé pungkasaning taun 2017.[2]
Polling lan jajak panemu kang dianakaké wiwit taun 2010 nuduhaké manawa Rakyat Britania panemuné binagi ngenani prakara ini. Ing sasi November 2012, mayoritas iku nyengkuyung metu, kamangka ing sas Juni 2015 mayoritas nyengkuyung panggah dadi anggota UE.[3][4] Sawijining jajak panemu kang gedhé dhéwé tau dianakaké ing Britania ngenani prakara iki (20.000 ing Maret 2014), mènèhi kasil manawa 41% rèspondèn nyengkuyung metu, 41% nyengkuyung tetep dadi anggota lan 18% ora nduwé panemu.[5] Nanging, manawa Britania Raya bisa négosiasi pasaratan kang luwih apik, punjul 50% bakal nyengkuyung panggah dadi anggota Uni Éropa.[6]
Réferènsi besut
- ↑ The case for Brexit: lessons from the 1960s and 1970s, Adrian Williamson, History and Policy, 2015
- ↑ https://www.gov.uk/government/speeches/queens-speech-2015
- ↑ 56% of Britons would vote to quit EU in referendum, poll finds, The Guardian, 17 november 2012
- ↑ YouGov Survery Poll 11 Juni 2015
- ↑ Europe on Trial Lord Ashcroft Polls. 22 Maret 2014
- ↑ YouGov / The Sun Survey Results, YouGov.com