Charles Francis Richter

Charles Francis Richter ya iku penemu skala richter.[1] Skla richter ya iku ukuran kakuwatan lindhu.[1] Charles Francis Richter lair ing sawijining peternakan ing Hamilton, Ohio, Amérikah Sarékat, tanggal 26 April 1900.[1] Nalika isih enom, dhèwèké ngalih ana ing Los Angeles.[1] Dhèwèké kuliyah ana ing ''Universitas of Southem California'', wiwit umur 16 taun.[1] Banjur dhèwèké nerusaké kuliyah ing Stanford University.[1] Sawisé iku, Richter uga nerusaké kuliyahe ana ing Universitas Cal Tech (California Institut of Technologi) lan candhaké dhèwèké éntuk gelar dhoktoral (ph.D) ing babagan téyori fisika.[1] Nalika nyandhang gelar Ph.D, Richter kepéngin nyambut gawé ing Cal Tech minangka ahli fisika.[1] Dhèwèké ditampa minangka ahli seismologi, ya iku babagan kang ora pati dikuwasani dhèwèké.[1] Nanging, saking sregepe anggoné nyambut gawé, mula dhèwèké malah dadi ahli seismologi kang misuwur ing donya.[1] Ing Cal Tech, Richter uga kasil anggoné ngembangaké sawijining cara kanggo ngenali kakuwatan lindhu kanthi gunakake ukuran kang objektif.[1]

Charles Richter

Nalika iku, kekutan lindhu diukur nganggo tingkat kerusakan kang kelakon.[2] Richter lan kancane ya iku Beno Gutenberg, nemu skala ukuran mau, lan nyebarake panemone mau lantaran paper taun 1935.[2] Skala kang diciptakake Richter iki dhedhasar dhuwure seismik, ya iku gelombang laut.[2] Skala Richter minangka logaritma, kang mundhak ing sawijining magnitudo kang padha karo amplitudo ping 10.[2] Magnitudo lindhu diukur aka kekuwatan ènergi kang diukur saka amplitudo gelombang seismik kang didata saka pirang-pirang panggonan.[2] Panyaruwene Richter, sansaya gedhé kekuwatan intrinsik lindhu, ateges sansaya gedhé uga amplitudo obahing seismik ing jarak tinamtu.[2] Angka amplitudo iki diolihi saka piranti pengukur seismik gawéne Wood-Anderson.[2] Saliyané gawé skala richter, Richter uga nulis buku teks kanggo seismik.[2] Buku mau ya iku Elementary Seismologi (1958) lan Seismicity of The Eart kang ditulis déning Beno Guteberg (1954).[2] Charles Francis kawin karo Lilian Brand taun 1928.[2] Richter tinggal donya tanggal 20 April 1985 ing Altadena, California.

Cathetan suku besut

  1. a b c d e f g h i j k [Muchlisin Asti, Badiatul, dkk. 2009.105 Tokoh dan Perintis Dunia.Yogyakarta:Narasi Hal. 70]
  2. a b c d e f g h i j [Muchlisin Asti, Badiatul, dkk. 2009.105 Tokoh dan Perintis Dunia.Yogyakarta:Narasi Hal. 71]