Charles G. Dawes

Charles Gates Dawes miyos ing Marietta, Washington County, Ohio, nalika 27 Agustus 1865. Piyambakipun lulus saking Marietta College (1884) lan Cincinnati Law School (1886). Lajeng piyambakipun mbikak praktik pengacara ing Lincoln, Nebraska (1887-1894).[1]

Charles G. Dawes
Charles G. Dawes


Masa jabatan
4 Maret 1925 – 4 Maret 1929
Presiden Calvin Coolidge
Pendahulu Calvin Coolidge
Pengganti Charles Curtis

Lahir 27 Agustus 1865
Marietta, Washington County, Ohio
Meninggal 23 April 1951, usia 85
Evanston, Illinois
Kebangsaan Amérika
Partai politik Parté Républikan
Suami/Istri Caro Blymyer Dawes

Garwa saking Caro Blymyer punika minangka tokoh keuangan lan perbankan ingkang kondhang ing Amérika Sarékat. Piyambakipun naté ngrantam konsèp Rencana Dawes kanggé rehabilitasi pasca Perang Donya I. kanggé punika piyambakipun pikantuk Bebungah Nobel Bedhamèn.

Charles gadhah 2 putra kandung (Rufus F. Dawes lan Carolyn Dawes) lan 2 putra angkat (Dena McCutcheon lan Virginia). Nalika taun 1912, salah satunggaling putranipun, Rufus, ketilem lan tilar donya ing Danau Jenewa, Switserlan, nalika kulawarganipun liburan. Saperlu ngenang punika, Dawes damel 2 griya singgah ing Boston lan Chicago.

Dawes naté njabat ing manéka posisi, inggih punika Comptroller Of Currency ing Departemen Keuangan AS (1898-1901) ing pundi piyambakipun sukses ngempalaken USD 25 yuta saking bank-bank ingkang kolaps sadangunipun Kepanikan 1893, lan ugi ngewahi praktik perbankan saperlu nyegah bab ingkang sami ing samangke. Sabibaripun punika nalika taun 1901, piyambakipun ninggalaken Departemen Keuangan saperlu ngrebut kursi Senat AS saking praja Illinois. Piyambakipun yakin kanthi pambiyantu saking papréntahan William McKinley, nanging sabibaripun rajapejah tumrap Présidhèn McKinley, upayanipun gagal. Présidhèn Theodore Roosevelt langkung milih lawan Dawes kanggé kursi Senat punika. Lajeng Dawes langkung milih mandheg saking pulitik lan mbiyangun perusahaan Central Trust Company of Illinois lan dados présidhèn direktur dumugi taun 1921.

Dawes dipunpilih minangka wakil présidhèn kaping 30 lan njabat antawis 4 Maret 1925 - 3 Maret 1929.[2] Sasampunipun, piyambakipun dipunangkat minangka duta besar kanggé Inggris (taun 1929-1932). Piyambakipun rumaos pakaryanipun hina amargi nepangaken wanita-wanita Amérika dhateng Raja Inggris.

Dawes ugi misuwur minangka pancipta komposisi Melody in A Major nalika taun 1912. Komposisi punika lajeng kondhang minangka It's All in the Game ing pundi Carl Sigan nambahaken lirikipun nalika taun 1951. Lagu punika dipunbektakaken déning Tommy Edwards lan dados hit angka 1 taun 1958! Para artis sanès ingkang ugi naté mbektakaken lagu punika kados ta The Four Tops, Tom Morrison, Cliff Richards, Brook Benton, Elton John lan Barry Manilow.

Dawes séda ing Evanston nalika 23 April 1951 lan dipunsarekaken ing Chicago, Illinois.[3]


Kang sadurungé
Director of the U.S. Office of Management and Budget
23 Juni 1921 - 30 Juni 1922
Kang sawisé
Herbert Lard
Kang sadurungé
Calvin Coolidge
Kandidat Wakil Présidhèn dari Parté Républiken
1924 (menang)
Kang sawisé
Charles Curtis
Kang sadurungé
Calvin Coolidge
Wakil Présidhèn Amérika Sarékat
4 Maret 1925 - 4 Maret 1929
Kang sawisé
Charles Curtis


Cathetan suku besut