Corvus
Corvus inggih punika salah satunggaling rasi lintang ingkang wonten ing langit sisih kidul. Corvus inggih saking basa Latin kanggé manuk gagak. Rasi lintang punika namung gadhah sewelas lintang ingkang saged dipuntingali kanthi mripat langsung, ingkang padhangipun langkung saking magnitudo 5,5. Corvus kalebet salah atunggaling saking 48 rasi lintang ingkang dipundhaptar déning Ptolemy, ingkang namung dipunetang pitung lintang,[1] lan rasi lintang punika kalebet 88 rasi lintang modhèren.
| CORVUS | |
|---|---|
 | |
| Cekakan | Crv |
| Genitif | Corvi |
| Asensio rekta | 12 |
| Deklinasi | −20 |
| Area | 184 derajad pesagi (#70th) |
| Lintang utama | 4 |
| Lintang Bayer/Flamsteed | 10 |
| Lintang mawa planèt | 1 |
| Lintang padhang | 3 |
| Lintang cedhak | 1 |
| Lintang paling padhang | γ Crv (Gienah) (2.59m) |
| Lintang paling cedhak | Ross 695 ( tc) |
| Obyèk Messier | 0 |
| Udan météor | Corvids (June 26) |
| Rasi lintang sing wewatesan | Virgo Crater Hydra |
| Katon antara lintang +60° lan −90°. Katon paling cetha ing wektu 21.00 jroning sasi May. ' | |
Lintang-lintang besut
Rasi lintang Corvus gadhah tlatah ingkang ambanipun kirang langkung 184 drajat persegi lan boten ngewrat kathah lintang ingkang dipunmangertosi minangka planit-planit. Rasi lintang punika saged ipuntingali wonten ing garis lintang antawisipun +60° lan-90° lan badhé katingal ingkang saé piyambak manawi dipuntingali ing jam 9 dalu ing salebeting sasi Mèi. Corvus namung ngewrat 11 lintang ingkang saged dipuntingali langsung kanthi mripat. Déné lintang-lintang ingkang wonten ing rasi lintang punika ing antawisipun inggih punika kados makaten:
- Gamma Corvi inggih punika lintang ingkang padhang piyambak wonten ing rasi lintang Corvus. Gamma Corvi ugi dipunsebat Gienah (manawi dipunpendhet saking basa Arab) ingkang tegesipun sewiwi sisih tengen saking manuk gagak, ingkang nama punika ugi dipun-ginakaken wonten ing lintng epsilon Cygni. Lintang punika kalebet lintang ingkang gadhah cahya raksasa warna biru ngantos pethak, ingkang tebihipun kirang langkung 165 taun cahya.
- Alpha Corvi utawi ingakng ugi dipunsebat Alchiba (saking basa Arab kanggé "tendha"), utawi ingkang dipunsebat ugi minangka "the Right Linchpin" ing basa Cina, inggih punika kalebet lintang binar spektroskopik. Lintang punika gadhah magnitudo 4,02, ingkang padhangipun langkung andhap tinimba lintang beta, gamma, delta, lan epsilon Corvi.
- Sekawan lintang ing Corvus, inggih punika beta, delta, gamma, lan epsilon Corvi, maujud saking asterisme ingkang dipunsebat "Sail".[2][3][4] Beta Corvi ugi dipunsebut Kraz, ingkang minangka lintang ingkang padhang piyambak nomer kalih wonten ing rasi lintang Corvus, ingkang minangka lintang kanthi cahya raksasa tipe G lan tebihipun kirang langkung 140 taun cahya saking bumi.
- Delta Corvi utawi ugi dipunsebat Algorab, inggih punika lintang ingakng ingkang padhang piyambak nomer tiga wonten ing Corvus. Algorab ing kasunyatanipun inggih minangka lintang kembar ingkang ngewrat lintang pethak kelas B kanthi gadhah magnitudo 2,95 lan lintang oranye kelas K kanthi gadhah magnitudi 8,51.
- Epsilon Corvi utawi ugi dipunsebat Minkar, maujud saking tembung basa Arab "Al Minkar al Ghurab" utawi "the Raven's Beak". Lintang punika kalebet tipe cahya raksasa kelas K ingkang tebihipun udakawis 303 taun cahya lan gadhah magnitudo 3,02.
- Lintang 31 Crateris ingkang gadhah magnitudi 5,2.
Corvus taksih kalebet kulawarga saking rasi lintang Hercules, sesarengan kaliyan rasi lintang Hercules, Sagitta, Aquila, Lyra, Cygnus, Vulpecula, Hydra, Sextans, Crater, Ophiuchus, Serpens, Scutum, Centaurus, Lupus, Corona Australis, Ara, Triangulum Australe lan Crux. Déné ing sak kitering Corvus wonten rasi lintang sanèsipun inggih punika Virgo, Crater, lan Hydra.[5]
Cathetan suku besut
- ↑ Cithakan:1728
- ↑ Nickel, J., (1999): Lift Up Your Eyes on High: Understanding the Stars, Christian Liberty Press, p. 53.
- ↑ Bakich, M. E., (1995): The Cambridge Guide to the Constellations, Cambridge, Cambridge University Press, pp. 21,22.
- ↑ Mullaney, J., (2007): The Herschel objects and how to observe them <Astronomers' Observing Guides>, Springer, p. 39.
- ↑ Corvus Archived 2013-03-03 at the Wayback Machine. (dipunundhuh tanggal 20 Pebruari 2013)
- Makemson, Maud Worcester (1941). The Morning Star Rises: an account of Polynesian astronomy. Yale University Press.
- Ridpath, Ian; Tirion, Wil (2001), Stars and Planets Guide, Princeton University Press, ISBN 0-691-08913-2
- Tabur, V.; Bedding, T. R. (2009). "Long-term photometry and periods for 261 nearby pulsating M giants". Monthly Notices of the Royal Astronomical Society. 400 (4): 1945–61. doi:10.1111/j.1365-2966.2009.15588.x.
- Ian Ridpath and Wil Tirion (2007). Stars and Planets Guide, Collins, London. ISBN 978-0-00-725120-9. Princeton University Press, Princeton. ISBN 978-0-691-13556-4.
- Richard Hinckley Allen, Star Names, Their Lore and Legend, New York, Dover.
- Thomas Wm. Hamilton, Useful Star Names, Viewlex, Holbrook, New York, 1968.