Draco Malfoy

Draco Malfoy ya iku karakter fiksi sajeroning seri Harry Potter karangan J.K Rowling. Ing filme tokoh Draco Malfoy diperanake déning Tom Felton.

Draco Malfoy ing Harry Potter and The Chamber of Secrets

Biografi

Draco Malfoy laing tanggal 05 Juni taun 1980 ya iku penyihir keturunan penyihir murni,putra saka Lucius Malfoy lan Narcissa Malfoy. Draco lumebu ing sekolah sikir Hogwarts ing taun 1991 nganti 1998 lan kalebu ing asrama Slytherin, kaya kulawargané liyané. Samangsa ing Hogwarts, Draco kekancan karo Vincent Crabbe, Gregory Goyle, Pansy Parkinson lan murid-murid Slytherin liyané kang ora seneng lan musuhi Harry Potter. Draco dadi prefek asrama slytherin lan dadi anggota Regu Penyelidik ing taun kelima, kang akhire bapakne dikunjara ing Azkaban sawisé Pertempuran karo Laskar Dumbledore ing Departemen Misteri. Lord Voldemort nugasi Draco kanggo nggenteni gagale Lucius, kang ndadeake Draco dadi pelahap maut ing umur nembelas taun. Nanging Draco nglakoni tugase kanthi keweden lan ora bisa ngrampungke tugase, matèni Albus Dumbledore, kang banjur dirampungake déning Severus Snape. Draco lan kulawargané akhire mbelot saka Voldemort sadurungé perang ing taun kapitu nalika Voldemort pungkasane kalah déning Harry Potter. Akhire Draco malfoy krama karo Astoria Greengrass lan duwé Putra siji ya iku Scorpius Malfoy.

Ciri-ciri Fsik

Draco ya iku bocah lanang kang kuru, awake putih lan rambute pirang, warna mripate klawu, kulite pucet. Ing taun wusana lan kaloro Draco duwé rambut pirang klimis kang disisir marang mburi. Draco digambarake persis wujud kaya bapakne, Lucius Malfoy. Nalika dadi Pelahap maut draco duwé Tanda Kegelapan ing lengen kiwane. Samangsa stres, èksprèsi seneng ing raine Draco ilang, awake dadi luwih kuru, duwé bayangan ing ngisor mripate lan kulite dadi rada abu abu.