Florin Court iku sawijining gedhong apartemèn omah gagrag Art Deco ing sisih wétan Charterhouse Square ing Smithfield, London. Gedhong apartemèn iki rampung dibangun ing taun 1936.

Florin Court

Gedhong iki dienggo minangka Whitehaven Mansions, omah fiktifé Hercule Poirot, paraga Agatha Christie, ing sérial télévisi Agatha Christie's Poirot (1989–2013).[1] Saliyané syuting sajabaning gedhong, sawatara gambar sajroning omah uga dilakoni salawasé 24 taun acara tv iki.

Sajarah besut

Gedhong iki dibangun ing taun 1936 déning Guy Morgan lan para mitrané sing nyambut gawé kanggo Edwin Lutyens nganti taun 1927. Florin darbèni ciri khas témbok ngarep utawa façade sing magrong-magrong mawa swiwi loro sing menjoto maju, taman ing atep, legokan ing lanté kasanga, lan blumbang nglangi ing lanté dhasar. Gedhong iki bokmanawa apartemèn omah sing awal dhéwé ing distrik Clerkenwell lan sakiwa-tengené, presis saloré City of London. Témboké dibangun mawa bata awerna krèm, sing digawé kusus déning Williamson Cliff Ltd (dunungé ing Stamford, Lincolnshire), lan didokok ing rangka waja.

Ing taun 1989 gedhong iki dadi lokasi syuting minangka omah fiktifé Hercule Poirot ing acara tv Agatha Christie's Poirot, lan ditepungi minangka Whitehaven Mansions.[2]

Ing dina Setu 20 Juli 2013, sawijining flat ing lanté kapisan kobong lan gedhong saisiné kudu diungsèkaké.[3]

Tata pangetrapan besut

 
Dénah Florin Court

Gedhong iki kasusun saka sangang lanté lan totalé ndarbèni 120 flat. Ing lanté dhasar a blumbang nglangi, spa, sauna, gym olahraga, kamar umum mawa kapustakan cilik, aréa wifi, kamar kumbahan klambli, lan garasi. Kabèh kamar ing lanté dhasar iku kanggo umum lan bébas aksès kanggo para padunung. Ing gedhong iki ana rong lif.

Gladri besut

Réferènsi besut

  1. "Whitehaven Mansions". www.poirot.us. Hercule Poirot Central. Dibukak ing 27 March 2015.
  2. Eirik. "Investigating Agatha Christie's Poirot: Florin Court – Poirot's 'Whitehaven Mansions'". investigatingpoirot.blogspot.ch.
  3. Art Deco Building – London Fire, Rebecca Smithers, The Guardian. 22 July 2013.

Pranala njaba besut

  Médhia magepokan Florin Court ing Wikimedia Commons

Koordhinat: 51°31′15.35″N 0°05′55.35″W / 51.5209306°N 0.0987083°W / 51.5209306; -0.0987083