GE U20C iku sajinising lokomotip diesel èlèktrik weton Amérikah Sarékat gawéané GE Transportation Systems. Ing Indonésia lokomotip iki diwèhi jeneng kodhe CC 203 déning PT Kereta Api Indonesia (Persero). Lokomotip iki pisanané digawé ing taun 1964 minangka modèl èkspor. Lokomotif iki mesiné wujud FDL-8T nganggo 8 silindher.

Lokomotip CC203 98 08 nalika anggeret sepur Senja Utama Sala arep nyabrang Kali Progo, ing Ngayogyakarta.

Saliyané ing Indonésia, lokomotif iki uga dienggo saindhenging donya lan akèh variasi sarta modhifikasiné. Kadhangkala mesiné sing dienggo uga séjé, kaya ta 7FDL8 lan 7FDL12. Kayadéné anggota liyané saka séri Universal, lokomotif iki kompatibel karo kabèh jinis amba jalur ril sepur.

PT Kereta Api Indonesia séri CC 203 besut

GE U20C sing dienggo ing Indonésia dimodifikasi kanthi unik. Lokomotif vèrsi Indonésia ndarbèni kabin sing amba. Saliyané iku ambané jalur ril ing Indonésia 1.067 mm lan dioperasèkaké déning PT Kereta Api Indonesia. Kabin amba CC 203 iki perluné supaya luwih nyaman kanggo para masinis sarta luwih cetha olèhé nggatèkaké jalur ril lan sinyal-sinyal. Kabin amba iki diyasa déning Goninan Locomotive Work (saiki UGL Rail), Australia.

Pambangunan besut

Antara taun 1995 lan 2000, ana 41 unit jinis lokomotif iki sing diyasa lan diserahaké marang Indonésia lan diwèhi kodhe nomer CC203 01-41. Golongan sapisan diwèhi nomer 01-12 lan diimpor saka GE Transportation ing Erie, Amérikah Sarékat. Banjur nomer 13-41 diyasa kanthi lokal ing Indonésia déning GE Locomotive Indonésia, sawijining badan usaha kerjasama (joint company) antara PT Industri Kereta Api Indonesia (PT INKA) lan GE Transportation. Banjur CC 203 didésain déning Goninan, Australia lan GE, AS. Goninan nggawé kabin amba lan GE sing nggawé mesin lan body-né.

Operasional besut

Kabèh lokomotif isih operasional lan ditugasaké dadi panggèrèt gerbong-gerbong sepur èksprês panumpang. Nanging kadhangkala lokomotif iki uga dienggo nggèrèt gerbong kelas 3 lan gerbong barang.

Sajarahing operasional besut

Sajatiné CC 203 diyasa kanggo ngrayakaké Dina Proklamasi Kamardikan Indonésia kaping 50 ing taun 1995. Lokomotif iki sengaja digawé kanggo nggèrèt sepur èksprès Argo kaya ta Argo Bromo JS950. Sawisé pamaréntah Indonésia akèh ngresmèkaké sepur-sepur Argo anyar, CC 203 mesthi sing nggèrèt. Nanging sawisé wolung taun,CC 203 uga dienggo nggèrèt sepur barang.

C20EMP besut

Ing taun 2005, GE Locomotive Indonésia nepungaké sawijining jinis lokomotif anyar. Tipe iki isih padha rupané karo CC 203 nanging nrapaké komputer canggih.

Vèrsi èkspor besut

Ing taun 2000, PT Industri Kereta Api Indonesia nggawé CC 203 pungkasan kanggo Jawatan Sepur Filipina. Modhèlé lan spésifikasiné padha karo vèrsi Indonésia. Nanging sawisé 6 taun dadi ringsek. Banjur lokomotifé digawa menyang Coote Industrial Company ing Australia lan diréparasi. Saiki lokomotifé wis apik manèh.

Gladri besut

Sumber besut

Pranala njaba besut