Graphics Interchange Format (kondhang singkatané GIF /ˈɪf/ JIF utawa /ˈɡɪf/ GIF) ya iku gambar sing formaté bitmap sing kawanuhaké déning CompuServe ing taun 1987[1] lan uwis akèh digunakaké ing World Wide Web amarga sengkuyungan lan portabilitasé sing amba.

Bumi GIF

Formaté GIF nyengkuyung gambar tekan 8 bita saben piksel kanggo saben gambar, ngoléhaké sawiji gambar kanggo ngerujuk marang palet warna gambaré dhéwé tekan 256 warna-warni kapilih saka panggènan warna RGB sing formaté 24-bita. GIF alsu nyengkuyung animasi-animasi lan ngoléhaké palet warna tekan 256 warna sing kapisah kanggo saben wengkonan gambar iku. Watesan-watesan palet iku gawé formaté GIF ora pati gathuk kanggo ngasilaké foto-foto awerna lan gambar-gambar liyané sing warna-werniné sing sinambung. Nanging, GIF iku gathuk kanggo gambar-gambar sing luwih prasaja kaya ta grafik-grafik utawa logo-logo sing babagan wernané ajeg.

Gambar-gambar GIF diproses liwat prosés compression nganggo teknik lossless data compression cara Lempel–Ziv–Welch (LZW) supaya nguda ukuran barkasé tanpa ngurangi kwalitet visualé. Teknik compression iku uwis dipaténaké ing taun 1985. Ananing kontroversi bab ékapati ing lisensiné GIF antara bakuning hak patén piranti alusé, Unisys, lan CompuServe ing taun 1994 njalari pangembanganing ukuran pokok kanggo Portable Network Graphics (PNG). Sawisé taun 2004, hak-hak paten sing magepokan uwis kadaluwarsa.

Sajarah besut

 
Animated gif

CompuServe ngenalaké formaté GIF ing taun 1987 kanggo nyedhiakaké format gambar awerna kanggo babagan pangunduhing barkas-barkasé dhèwèké. Iki mau kapéngéné kanggo nggantekaké format sing sadurungé ya iku run-length encoding (RLE), sing mung warna ireng lan putih. GIF dadi kaloka amarga nganggp LZW data compression mau, sing luwih éfisién tinimbang sing run-length encoding (RLE) sing formaté digunakaké déning PCX lan MacPaint, lan gambar-gambar sing lumayan gedhé bisa rikat diunduh, sanajan nganggo modems sing alon.

Vérsi aslin formaté GIF diarani 87a.[1] Ing taun 1989, CompuServe mbabar vérsi sing luwih maju, diarani 89a.[2] Vérsi sing iki katambahan sengkuyungan kanggo telatan animasi (sawénéh gambar ing sawiji arus uwis disengkuyung ing format 87a), warna-warna latar wuri sing sumrawang, lan panyimpening metadata mligi kanggo applikasi. Spésifikasiné format 89a uga nyengkuyung anggitaning label-label tenger (sing ora nlusupaké ing data grafis). Ananing amarga sithiké kendali tumrap pajangan font-font huruf, fitur iku ora akèh sing nganggo. Loro vérsi iku bisa dibedakaké kanthi dhelok enem bytes kapisané barkas iku ("angka gunan-gunané" utawa "ciri khasé"), sing nalika ditapsiraké minangka ASCII, kawaca "GIF87a" lan "GIF89a".

Rujukan besut