Gerèh uga diarani iwak asin.[1] Gerèh iki bahan panganan kang digawé saka daging iwak kang diawétaké kanthi cara nambahaké uyah lan dipépé.[1] Kanthi métodhe pengawétan iki daging iwak kang lumrahé rikat bosok bisa disimpen ing suhu kamar luwih suwé nganti bisa pirang-pirang sasi.[1] Nanging carané nyimpen lumrahé ditutup rapet.[1]

Iwak gerèh

Carané nggawé besut

Iwak kang bisa digawé gerèh akèh jinisé. Iwak kang bisa dimupangataké dadi gerèh ya iku bisa iwak darat lan iwak sagara.[2] Iwak-iwak iki dikumpulaké ing wadhah banjur diwuwuri utawa direndhem ing larutan uyah kang kenthel.[2] Iwak-iwak kang gedhé lumrahé dikethok-kethok dhisik supaya uyah bisa mresep ing njero daging.[2] Awit kenthelé kang béda lan tekanan osmosis, kristal-kristal uyah bakal narik cuwèran sèl ing jero daging metu saka daging iwak.[2] Partikel uyah banjut mresep ing jero daging iwak.[2] Prosés iki terus kadadéan ngantu konsèntrasi uyah ing jaba lan ing jero daging dadi seimbang.[2] Konséntrasi uyah kang dhuwur lan nyusuté cuwèran sèl bakal ngendhekaké prosés autolisis lan ngalangi thukulé baktèri ing jero daging iwak.[2] Sawisé iku iwak-iwak kang wis diuyahi banjur dipépé, digodhog utawa difermentasi supaya luwih awèt.[2] Pengolahan gerèh kanthi cara tradhisional merlokaké srengéngé kanggo nggaringaké lan nyegah supaya iwak ora bosok.[2] Nanging srengéngé kadhang katutup mendhung saéngga kurang panas kanggo mépé gerèh.[2] Iki bakal ngurangi kualitas gerèh lan bisa nggawè gerèh dadi bosok lan ora awèt.[2] Lumrahé akèh bahan-bahan kimia kaya ta pestisida lan formalin kanggo ngawétaké.[2] Bahan-bahan iki mbebayani tumrap kaséhatan yèn dienggo dadi pengawét.[2] Formalin uga nyegah kurangé bobot iwak amarga cuwèran awaké nguap nalika diasinké.[2] Bahan pengawét tambahan kang aman ya iku khitosan.[2] Nanging bahan kang diékstrak saka thothok urang lan pithing iki durung misuwur lan durung digawé kanthi massal ing Indonésia.[2]

Pranala njaba besut

Cathetan suku besut

  1. a b c d bisnisukm.com Archived 2011-10-04 at the Wayback Machine.(dipunundhuh tanggal 16 Juni 2011)
  2. a b c d e f g h i j k l m n o p berita.liputan6.com(dipunundhuh tanggal 16 Juni 2011)