Gunung Dempo
Artikel iki prelu dirapèkaké supaya jumbuh karo wewaton artikel WikipédiaPanjenengan bisa mbiyantu ngrapèkaké artikel iki kanthi mérang dadi paragraf-paragraf utawa wikifikasi. Sawisé dirapèkaké, tandha iki kena dibusak. |
Gunung Dempo inggih salah satunggaling gunung ingkang dumunung ing Indonésia èstunipun ing watesaning provinsi Sumatra Selatan kaliyan provinsi [[Bengkulu. Dhuwuripun gunung Dempo inggih kirang langkung 3.159 mèter dpl.
| Gunung Dempo | |
|---|---|
| Èlevasi | 3,173 metres (10,410 ft) |
| Prominèn | 2,450 metres (8,040 ft) |
Gunung Dempo sesarengan kaliyan Gunung Marapi ing Pulo Sumatra, inggih kalebet pucuk paling inggil saking pagunungan Bukit Barisan ingkang mbentang ing tengahing Pulo Sumatra.[2] Gunung Dempo mlebet ing kawasan Kabupatèn Pagar Alam. Kados namanipun Pagar Alam ingkang ateges pager alam, ingkang nyatanipun sadaya laladan punika dipunkiteri bukit saha gunung. Gunung Dempo misuwur gadhah jalur daki ingkang nantang kanthi lerengipun ingkang ngliyuk-iyuk ingkang damel gunung dempo dados kesenenganipun para pendaki.
Transportasi besut
Gunung Dempo mapan wonten ing distrik Pagar Alam, ingkang tebihipun kirang langkung 310 km ing sisih kulon saking kitha Palembang. Manawi badhé dumugi wonten ing gunung Dempo punika saged ngginakaken mobil ingkang nyewa utawi bis. Déné dangunipun ing margi dhateng Gunung Dempo saged ngantos 7 jam. Titik sapisan kanggé minggah gunung inggih saged saking pabrik pengolah teh PTPN III. Désa ingkang paling caket ing sakitering gunung ingkang saged dipundadosaken papan singgah nalika minggah gunung inggih punika kampung empat. Taksih dipunbetahaken mlampah malih tebihipun kirang langkung 15 kilomèter saking pusat kitha Pagar Alam. Manawi badhé tindakan dhateng Gunung Dompu boten badhé bosen amargi ing sadangunipun margi kathah sesawangan tebing saha lembah lan kebun teh.
Daya Tarik besut
Kajawi alas pagunungan ingkang dados sajian gunung Dempo, ing laladan sakiteripun ugi wonten tilaran sujarah ingkang kathah kapanggih kados ta tilaran watu saha artefak, inggih punika kubur watu, ruang watu, arca-arca, watu tumpakan, dolmen, menhir, wonten ugi relief ingkang nggambaraken tiyang-tiyang nganggé sepatu nembé nggendhong nekara. Relief punika dipuntatah wonten ing rainipun sabongkah watu awujud gajah, ngantos umum dipunsebat watu gajah tilaran jaman kuna.[3] Kawasan Gunung Dempo inggih namung papan wisata ingkang dados daya tarik para wisatawan amargi namung wisata gunung punika ingkang wonten ing Sumtra Selatan. Ing laladan hutan tumuju dhateng pucukipun gunung Dempo wonten kali-kali alit ingkang toyanipun bening sanget. Para pendaki kathah ingkang ngunjuk toya punika nalika ngelak sak danunipun ndaki. Kangge ndaki gunung dempo kedah liwat margi ingkang alit lan namung sapetak ingkang kebak oyot-oyotipun wit-witan ageng ingkang mlintang ing tengah margi. Kaanan alasipun inggih kandel saha wening, saéngga sapisan-pisan saged mireng swantenipun manuk-manuk ingkang miber ing sakitering alas.[4]
Uga delengen besut
Cathetan suku besut
- ↑ "Dempo". Global Volcanism Program. Smithsonian Institution. Dibukak ing 2006-12-28.
- ↑ [1] (dipunundhuh tanggal 11 Januari 2013)
- ↑ [2] Archived 2012-12-29 at the Wayback Machine. Panorama Gunung Dempo (dipunundhuh tanggal 11 Januari 2013)
- ↑ [3] Archived 2016-03-05 at the Wayback Machine. Gunung Dempo (dipunundhuh tanggal 11 Januari 2013)