Hikayat Phileas Fogg

Hikayat Phileas Fogg utawa Hikajat Phileas Fogg iku pertalan ing basa Jawa saka karya sastra Prancis Le Tour du monde en 80 jours utawa Le Tour du monde en quatre-vingts jours karangan Jules Verne. Ukara basa Prancis iki tegesé Ngubengi Donya sajeroning 80 Dina. Buku ini pisanané dibabar mawa basa Prancis ing taun 1873 lan ing basa Jawa ing taun 1889. Sajeroning buku iki dicaritakaké kepriyé ana sawijiningé priyayi Inggris anama Phileas Fogg toh-tohan dhuwit £20.000 karo kanca-kacané ing Klub Reform, London yèn dhèwèké saguh ngubengi donya ing wanci 80 dina. Banjur karo réwangé sing lagi waé ditampa, Jean Passepartout, Fogg nyoba ngubengi donya ing wanci sing wis ditemtokaké iki.

Hikajat Phileas Fogg ing basa Jawa

Ringkesan

Carita iki awalé ing London ing tanggal 2 Oktober 1872. Phileas Fogg iku sawijining priyagung Inggris sing uripé ndhéwé ing omahé sing alamaté ana ing Saville Row nomer 7 ing Burlington Gardens. Sanajan dhèwèké sugih banget, wong-wong ora ngerti dhuwité asalé saka ngendi. Fogg diarani sawijining wong prasaja nglakoni kabèh barang kanthi persis lan tepat. Fogg iku anggota Klub Reform.

Sawisé ngetokaké réwangé sing lawas ajeneng James Foster. James Foster diwetokaké amarga dhèwèké nyaosi bendarané banyu cukur mawa temperatur 84 drajat Fahrenheit lan dudu 86 kaya samesthiné. Banjur Fogg nampa réwangé sing anyar sing asalé saka Prancis: Jean Passepartout.

Banjur ing dina sing padha iku, Fogg udur-uduran saha dhiskusi mawa kanca-kancané ing Klub Reform prakara sawijining artikel sing diemot ing koran The Daily Telegraph, ing kono katulis yèn saiki wong bisa ngubengi donya ing 80 dina amarga ing India wis ana jalur sepur lintas nagara.

Péta panglelanan

Jadwal panglelanan sing diajokaké

London menyang Suez	sepur lan baita	7 dina
Suez menyang Bombay	baita	13 dina
Bombay menyang Calcutta	sepur	3 dina
Calcutta menyang Hong Kong	baita	13 dina
Hong Kong menyang Yokohama	baita	6 dina
Yokohama ke San Francisco	baita	22 dina
San Francisco menyang New York	baita	7 dina
New York menyang London	sepur lan baita	9 dina
Gunggung		80 dina