Ikang Fawzi
Ahmad Zulfikar Fawzi biyasa ditepungi kanthi jeneng Ikang Fawzi (lair ing Jakarta, 23 Oktober 1959; umur 64 taun).[1] Ikang Fawzi iku salah sijiné musisi lan penyanyi rock, uga juru main filem kang misuwur nalika taun 1980-an.[1] Saiki Ikang luwih sibuk dadi pengusaha properti tinimbang ing seni main filem lan musik. Ikang palakrama karo aktris lan pulitikus Marissa Haque.[1]
| Ikang Fawzi | |
|---|---|
 | |
| Lair | Ahmad Zulfikar Fawzi |
| Pakaryan | aktor |
| Taun aktif | 1985-saiki |
| Bojo | Marissa Haque |
| Anak | Isabella Muliawati Fawzi (Bella) Marsha Chikita Fawzi (Kiki) |
Nalika cilik ya iku nalika isih TK lan SD, Ikang urip ing Bèlgi lan Jepang.[1] Kayadéné bapaké, Ikang kerja dadi diplomat. Ikang duwé getih seni saka bapaké.[1] Bapaké Ikang biyèn kerja dadi juru main Hawaiian, komponis lagu lan penyanyi.[1] Nalika Ikang umur 10 taun, Ikang dikongkon bapaké lumebu ing Yamaha Musik ing Jepang kanggo kursus privat electone lan drum.[1] Ora mung musik, Ikang uga sinau béladhiri. Nalika ing Jepang Ikang uga sinau karaté.[1] Sawisé bali menyang Indonésia, Ikang banjur sinau pencak silat kanthi temen.[1]
Karir nyanyi besut
Sawisé lulus pendhidhikan ing SMU, Ikang sangsaya ngembangaké bakat musiké bareng karo kancané Addie M. S..[1] Album kang digawé Ikang kaya ta "Selamat Malam", "Randy & Cindy", "Preman", "The Very Best of Ikang Fawzi" lan album kang paling anyar ya iku "Dua Sisi".[1] Album "Selamat Malam" isiné 10 lagu, 8 lagu diaransemèn karo Addie M. S., kang uga dadi music directoré.[1] Déné albumé kang paling anyar ya iku "Dua Sisi", kang dirilis sasi April 2005.[1] Album iki digawé sawisé 20 taun Ikang ora nggawé Album.[1]
Ikang tau éntuk gelar "The Best Rocker" nalika taun 1987.[1]
Kauripan pribadi besut
Ikang Fawzi palakrama karo aktris Marissa Haque nalika tanggal 12 April 1987.[2] Sawisé éntuk gelar sarjana taun 1987.[2] Ikang banjur nyambut gawé ing bisnis real estate.[2] Saka palakramané karo Marissa, Ikang nduwé anak kang cacahé loro ya iku Muliawati Fawzi lan Marsha Chikita Fawzi.[2] Anaké kang sepisanan kang lumrahé diundang Bella uga dadi artis kaya wong tuwané.[2] Nalika tanggal 20 Juni 2007, Bella menang lomba Abang None Jakarta pawakilan saka Jakarta Kulon.[2]
Chatetan sikil besut
 | Artikel biografi Indonésia iki minangka artikel rintisan. Kowé bisa ngéwangi Wikipédia ngembangaké. |