Indisch Monument (Den Haag)

Indisch Monument utawa tegesé Monumèn Hindia ing kutha Den Haag iku sawijining monumèn sing mèngeti para kurban perang warganegara Walanda ing Hindia-Walanda utawa Indonésia antara taun 1941-1945 sajeroning Perang Donya II.

Indisch Monument ing Den Haag

Karangan kembang KBRI Den Haag ing 15-8-2008

Monumèn iki didésain déning Jaroslawa Dankowa, sawijining seniwati asal Bulgaria. Monumèn iki diresmèkaké déning Ratu Beatrix ing tanggal 15 Agustus 1988 pas tanggap warsa kaping 43 pungkasaning Perang Donya II.

Nalika Mahamantri Jepang Toshiki Kaifu ndèkèki krans kembang ing tanggal 19 Juli 1991, krans iku sawisé dibuwang ing banyu déning sawijining démonstran Stichting Japanse Ereschulden ("Yayasan Utang Kamulyan Jepang"). Sawisé iku Mahamantri Ruud Lubbers nyuwun ngapura marang Kaifu. Perkara iki nggawé wong-wong Indo lan Walanda sing tau ngalami Jaman Jepang sangsaya nesu.