Jagrag utawa karan standar, utawa jagangan utawa Jègol ya iku piranti tumrap pit utawa pit montor kanggo njaga supaya ora rubuh nalikane ora disendhekake marang barang liya utawa dicekel déning manungsa. Piranti iki tinemu déning Joseph Paul Treen, ramane mantan gubenur Louisiana, Amérika, Dave Treen. Jagrag racaké kagawé saka wesi utawa waja dipasang ana ing ragangan lan racaké bisa ditekuk, bisa napak ing lemah nalika ora dianggo. Biasane kapasang sing sisih tengah utawa mburi pit utawa pit montor, sanajan uga ana sing dipasang ing rodha ngarep.

standar mburi

Jinis jagrag pit utawa jagrag pit montor anatara liya: jagrag miring sing dipasang sasisih, lan jagrag jejeg sing dipasang ing ngisor supaya pit bisa madeg jejeg lan rodhané bisa mubeng.

Gladri besut