Joseph Rotblat, miyos wonten ing Warsawa nalika taun 1908 minangka Józef Rotblat, inggih punika fisikawan Polen-Inggris ingkang misuwur minangka tokoh perdamaian.[1]

Józef (or Joseph) Rotblat KCMG CBE FRS
ID badge photo from Los Alamos National Laboratory, 1944.
Lair(1908-11-04)4 Novèmber 1908
Warsaw, Poland
Pati31 Agustus 2005(2005-08-31) (umur 96)
London, United Kingdom
PadununganPoland until 1938, United Kingdom afterwards
BangsaPolish
Alma materFree University of Poland
University of Warsaw
University of Liverpool
Kondhang ingMedical physics
Campaigning for the peaceful use of nuclear technology
BojoTola Rotblat
BebungahAlbert Einstein Peace Prize 1992
Nobel Peace Prize 1995
Karièr ngèlmiah
BabaganPhysics
InstitutionsScientific Society of Warsaw 1933-1937
Free University of Poland 1937-1939
University of Liverpool 1939-1949
St Bartholomew's Hospital 1949-1976

Piyambakipun pikantuk gelar S2 saking Universitas Bebas Polen nalika taun 1932 lan gelar dhoktor babagan fisika saking Universitas Warsawa ing pundi nalika taun 1937 piyambakipun dados direktur pembantu ing Lembaga Fisika Atom. Nalika taun 1939, piyambakipun wiwit makarya wonten ing Universitas Liverpool nalika kamungkinan bom atom kaliyan James Chadwick, ingkang sesarengan kaliyan piyambakipun ndhèrèk dhateng Los Alamos saperlu mendhet pérangan wonten ing Proyek Manhattan. Nalika November 1944, nalika dipuntengenaken bilih Jerman Nazi boten badhé damel bom, Rotblat langsung dhateng Inggris, satunggalling ilmuwan ingkang medal saking Manhattan Project saderengipun dumugi pungkasan ingkang ngleburaken.[2]

Nalika taun 1946, piyambakipun dados salah satungaling pendiri Asosiasi Ilmuwan Atom lan nalika taun 1947, piyambakipun ngantur "Atom Train," pameran ageng ingkang pisanan kanggé panganggonan damai lan nentang penerapan ènergi nuklir déning pihak militèr. Rotblat pikantuk gelar Ph.D. saking University of Liverpool nalika taun 1950 lan D.Sc. saking Universitas London nalika taun 1953; antawising taun 1945-1949 piyambakipun minangka direktur riset babagan fisika nuklir ing Liverpool University. Sadangunipun taun-taun punika, karyanipun babagan emulsi fotosensitif nyumbang penemuan pi meson. Lajeng piyambakipun pindhah dhateng penerapan fisika nuklir ing babagan biologi lan kadhokteran lan antawising taun 1950-1976 piyambakipunminangka profesor fisika – sapunika profesor emeritus - ing University of London, wonten ing St. Bartholomew's Hospital Medical College, lan fisikawan kepala ing griya sakit punika.[3]

Nalika taun 1955, Rotblat minangka salah satunggal saking 11 penandatangan Manifesto Russell-Einstein ingkang dipunluncuraken déning Bertrand Russell lan Albert Einstein, nyuwun dhateng para ilmuwan saking saben nagara saperlu kapanggih kanggé ngrantam cara ngindhari perang nuklir. Nalika taun 1957, Rotblat ndhirikaken Pugwash Conference on Science and World Affairs, saking satunggaling désa ing Kanada ing pundi pertemuan ingkang angka pisan dipunadani. Konferensi punika dados forum tumrap para panliti ingkang kepéngin nyirnakaken senjata nuklir lan manggihaken solusi damai kanggé konflik internasional. Joseph Rotblat dados sekretaris jenderal ingkang angka pisan ing organisasi punika. Ing sangandhaping kapimpinanipun ingkang kirang langkung antawis 40 taun, Konferensi Pugwash babagan Urusan Ilmiah lan Dunia sampun mimpin panentangan tumrap senjata nuklir lan dados salah satunggaling panganjur paling ngajeng babagan pelucutan senjata.

Piyambakipun minangka pengarang langkung saking 300 publikasi – kalebet 20 buku – babagan fisika nuklir lan kadhokteran, biologi radiasi, pengendalian senjata nuklir, perlucutan senjata, obahan Pugwash lan tanggel jawab sosial ilmuwan. Wonten ing taun 1995, 50 taun sabibaripun pengeboman Hiroshima lan Nagasaki, Joseph Rotblat lan Pugwash Conferences dipunanugrahi Bebungah Nobel Bedhamèn.

Joseph Rotblat tilar donya nalika taun 2005.

Cathetan suku besut

  1. "Archive copy". Diarsip saka sing asli ing 2013-03-06. Dibukak ing 2013-02-04.{{cite web}}: CS1 maint: archived copy as title (link)
  2. http://www.nuclearfiles.org/menu/library/biographies/bio_rotblat-joseph.htm Archived 2012-03-05 at the Wayback Machine. Nuclear Files: Library: Biographies: Joseph Rotblat
  3. http://www.amazon.com/Free-Vanunu-campaign-campaign-whistleblower-Mordechai/dp/B00093RVTQ