Kim Soo-Hyun (김수현) iku aktor saka Koréa Kidul kang lair tanggal 16 Fèbruari 1988.[2] Dhuwure Kim Soo-Hyun ya iku 180 cm, déné boboté ya iku 65 kg. Agamane Soo-Hyun ya iku kristen. Dhèwèké wiwit aktif ing donyane entertainment wiwit taun 2007 nganti tekan saiki. Soo-Hyun tau sekolah ing Joongang University ing babagan akting mayor taun 2009.[3] Dhèwèké duwé kelangenan nyanyi lan seneng moto. Kodhak DSLR kang diduweni ya iku Nikon D800, nanging kodhak iku ora anyar, nanging tuku bekas duweke Lee Byung Jin.[4] Artis kang dadi kelangenane Kim Soo-Hyun ya iku Jo Seung Woo, Ha Jeung Woo, lan Ryoo Seung Beum. Jinis lelagon kang dadi kelangenane ya iku hip hop lan balada.

Kim Soohyun
Lair (1988-02-16) Fèbruari 16, 1988 (umur 36)
Pakaryanaktor
Taun aktif2007-saiki
AgènKEYEAST
Dhuwur1.80 m (5 ft 11 in)[1]
Sana jaringanwww.keyeast.co.kr/kimsoohyun/
Korean name
Hangul김수현

Kim Soo-Hyun béda karo artis Koréa liyané. Dhèwèké ora gelem nganggo jeneng panggung, dhèwèké milih nganggo jeneng asline. Mula akèh wong kang ngomongake dhèwèké. Kanthi cara Hanja, jeneng Soo-Hyun kapérang saka rong aksara kanji, ya iku "Soo" kang tegesé apik banget, lan "Hyun" kang tegesé kebajikan. Nalika isih cilik, Soo-Hyun kalebu bocah kang menengan lan arang omong sanajan ing omahe dhéwé. Ing omah, Soo-Hyun luwih seneng nonton tv lan seneng nulis. Banjur, ibune nglebukake dhèwèké menyang sekolah teater supaya Soo-Hyun ora dadi bocah kang pasif. Nanging, kadhang yèn kaget, Soo-Hyun njerit kanthi ngundang ibune. Nalika SMP, Soo-Hyun tau kerja ing restoran cepat saji. Nanging, nembé telung dina kon metu amarga telat mulih sekolah. Sanajan mangkono, dhèwèké tetep éntuk gaji. Gajine iku banjur dienggo tuku sepasang kaos kaki kanggo ibune. Nalika isih sekolah, Soo-Hyun tau mèlu gladhèn mendaki. Dhèwèké uga tau mèlu kompetisine, nanging kalah amarga tiba nalika ing babak kapindho. Dhèwèké uga tau mèlu gladhèn nyelem.

Karir besut

Kim Soo-Hyun miwiti karir akting ing taun 2003 kanthi main ing drama musikal Grease kang kaangkat saka filem musikal Hollywood. Dhèwèké bajur main ing pentas teater A Midsummer Night's Dream. Ing taun 2007, Soo-Hyun miwiti debut pisanane ing televisi kanthi main ing filem Kimchi Smile Cheese. Panampilane kang sukses iku, ndadèkaké dhèwèké éntuk kapitayan main dadi paraga baku ing filem Jungle Fish ing taun 2008. Ing filem iku, dhèwèké dipasangake karo Park Bo Young. Taun 2009, Soo-Hyun main ing rong drama ya iku Will It Snow for Chrismast lan Father's House. Ing pungkasan taun 2009, Soo-Hyun resmi mèlu ing menejemen Keyeast Agency lan ngetokaké offical website ing sasi Januari 2010. Nalika taun 2010, Soo-Hyun main ing drama Giant lan ngéntukake panghargaan SBS award minangka New Star Award. Kasuksesan iku kang ndadèkaké Soo-Hyun bisa kapilih main ing filem Dream High.[5] Ing filem Dream High, dhèwèké main barengan karo Bae Su Ji (Suzy), Taecyeon, Wooyoung, lan JOO. Sadurungé main drama, dhèwèké gladhèn nyanyi lan gladhèn nari ing JYP suwéné telung sasi.[6]

Filmografi besut

Drama besut

  • 2011 Dream High minangka Song Sam Dong
  • 2010 Giant minangka Sung Moo
  • 2009 Father's House minangka Kang Jae II
  • 2009 Will It Snow For Christmas minangka Cha Kang Jin
  • 2008 Jungle Fish minangka Han Jae Ta
  • 2007 Kimchi Smile Cheese minangka Kim Soo-Hyun

Film besut

  • 2009 Friends of The Worst
  • 2008 Memories Travel (Cherry Blossom)
  • 2003 A Midsummer Night's Dream
  • 2003 Grease

Bebungah besut

  • 2011 6th Asian Model Awards: Model Award[7]
  • 2010 SBS Drama Awards minangka New Star Award (Giant)

Cathetan sikil besut

  1. a b (ing basa Koréa)people.search.naver.com 김수현 탤런트 (kaundhuh tanggal 14 Agustus 2011)
  2. (ing basa Inggris)star.koreandrama.org Kim Soo-Hyun (Actor) (kaundhuh tanggal 13 Agustus 2011)
  3. (ing basa Indonésia)www.pelangidarama.net Profil Kim Soo-Hyun (kaundhuh tanggal 13 Agustus 2011)
  4. (ing basa Indonésia)vortuno.com Kim Soo-Hyun (kaundhuh tanggal 13 Agustus 2011)
  5. (ing basa Indonésia)www.famibex.com Archived 2011-09-24 at the Wayback Machine. Foto dan Profil Kim Soo-Hyun (kaundhuh tanggal 13 Agustus 2011)
  6. (ing basa Inggris)www.allkpop.com Kim Soo Hyun trained at JYP for three months before ‘Dream High’
  7. (ing basa Indonésia)www.liputanterbaru.com Archived 2011-09-10 at the Wayback Machine. Kim Soo-Hyun Profil, Biodata, Biografi (kaundhuh tanggal 13 Agustus 2011)

Pranala njaba besut