Kuburan Père-Lachaise

Kuburan Père-Lachaise (Prancis: Cimetière du Père-Lachaise) iku jeneng kuburan ana ing sisih lor-kuloné kutha Paris. Kuburan iku nduwèni jeneng liya ya iku la cite des morts sing ateges kutha mati. Jeneng Père-Lachaise iku kapethik saka jeneng panrima pengakon dosané Louis IV.

Sajarah

Kuburan Père-Lachaise dibukak awit 21 Mei 1804. Pisanané, kuburan iku jembaré mung 17 héktar amarga sing gelem dikubur ana ing kono mung sethithik. Pihak pangurus Père-Lachaise banjur golèk cara supaya kuburan Père-Lachaise dadi payu. Carané ya iku ngubur wong-wong sing misuwur ana ing kono. Wong-wong iku ya iku sawijining panulis dongèng anama Jean de La Fontaine lan panulis drama anama Moliere. Sawisé wong loro iku dikubur ana ing kono, kuburan Père-Lachaise dadi akèh peminaté. Sing dadi peminaté ora mung wong-wong biyasa waé. Akèh wong sing wis misuwur sing uga kepéngin dikubur ana ing kono. Babagan iku mau sing marakake wong-wong sing kepéngin dikubur ana ing kana sansaya akèh. Pangarepan wong-wong iku mau ya iku supaya bisa dikubur ing cedhaké wong-wong kondhang. Saking payune, kuburan Père-Lachaise jembaré ditambah nganti dadi 44 héktar.

Obyèk wisata

Sanajan Père Lachaise iku kuburan, nanging wisatawan-wisatawan sing teka menyang kono akèh banget. Gunggungé bisa nganti 2 yuta wisatawan saben taun.

Pranala njaba

• 5 Pemakaman Tujuan Wisata Dunia Archived 2012-09-15 at the Wayback Machine. kaundhuh 27 September 2012
• http://www.travel.detik.com/read/2011/12/02/152139/1781226/1026/roxy-punya-pocong-paris-punya-kuburan-paling-top-sedunia , kaundhuh 27 September 2012
• Pere Lachaise, kaundhuh 27 September 2012