Léak

Léak sajeroning mitologi Bali ya iku penyihir kang jahat. Le tegesé penyihir lan ak tegesé jahat. Léak mung bisa didelok nalika wayah wengi. Léak mung bisa dideleng karo dhukun kang mburu léak. Nalika wayah awan dhèwèké ketok kaya manungsa biyasa, nanging nalika wayah bengi dhèwèké ana ing kuburan kanggo luru pérangan-pérangan awaké manungsa kang minangka nggawé ramuan sikir. Ramuan sikir iku bisa ngowahi wujud léak dadi kéwan kaya ta macan, kethèk, babi utawa dadi kaya rangda. Léak uga bisa njupuk pérangan awak saka manungsa.

Patung Rangda, Ratu para Leak.

Kepitayan

Léak uga digambaraké wujud endhas manungsa karo pérangan-pérangan kang isih nggantung ing endhas. Léak dicritaké bisa mabur kanggo luru wong wadon kang lagi meteng. Léak banjur ngisep getih bayi kang isih ana ing jero weteng. Ana telu jinis leak kang dikenal masarakat, loro wadon lan siji lanang.

Miturut kapitayan wong Bali, Léak kalebu mangungsa biyasa kang mraktékaké sikir jahat lan mbutuhaké getih embrio supaya bisa urip. Léak uga bisa malih dadi babi utawa bola api, déné wujud léak kang sabeneré nduwéni ilat kang dawa lan untu kang landhep. Ana uga kang ngarani yèn léak mung ana ing Pulo Bali. Nalika wong nyubles gulu Léak saka ngisor marak ing endhas léak kang kapisah saka awaké, léak ora bisa temerap manêh karo awaké. Yèn endhas iku kepisah saka awaké ing wayah kang tinamtu, léak bakal mati. Kedhok léak kanthi untu kang landhep lan ilat kang dawa lumrahé minangka rerenggan omah.