Lintang gandha iku siji sistem lintang sing dumadi saka loro lintang sing kaiket kanthi gravitasi siji lan sijiné ing sajeroning orbit ngubengii siji titik pusat massa bebarengan. Panelitèn astronomi nemu yèn sapérangan gedhé lintang saora-orané dumunung ana ing siji sistem sing dumadi saka loro lintang. Sistem lintang gandha mainaké peranan sing wigati sajeroning astrofisika, sebab saka pengamatan orbité, astronom bisa nemtokaké massané. Massa lintang tunggal banjur bisa ditemtokaké liwat gayutan massa-luminositas sing diudhunaké saka pangamatan lintang gandha.